LG ដណ្ដើមបានអេក្រង់ OLED រាប់លានផ្ទាំងពី Samsung
- 2018-07-13 09:10:53
- ចំនួនមតិ 0 | ចំនួនចែករំលែក 0
LG ដណ្ដើមបានអេក្រង់ OLED រាប់លានផ្ទាំងពី Samsung
ចន្លោះមិនឃើញ
ដំណឹងទើបចេញផ្សាយថ្មីចុងក្រោយ បានបង្ហាញលម្អិតទាក់ទងនឹងការបញ្ជាក់កាលពីដើមឆ្នាំថា LG ក៏មានជាប់ទាក់ទងនឹងការផលិតអេក្រង់ OLED សម្រាប់បំពាក់លើ iPhone ដែលចេញឆ្នាំ ២០១៨ ដែរ។
ដំណឹងថ្មីចុងក្រោយបានអះអាងថា LG នឹងផ្គត់ផ្គង់អេក្រង់ OLED ប្រមាណ ៣ ទៅ ៤ លានផ្ទាំង ទៅឲ្យ Apple នៅអំឡុងចុងឆ្នាំ ២០១៨ នេះ។ បន្ថែមពីនេះក៏មានការបញ្ជាក់ថាអេក្រង់ OLED ទាំងនេះគឺសម្រាប់ iPhone X Plus ដែលមានអេក្រង់ទំហំ ៦,៥ អ៊ីញ។ នៅឆ្នាំ ២០១៩ ក្រុមហ៊ុន LG ក៏ទំនងជានឹងផ្គត់ផ្គង់ OLED ទៅឲ្យ Apple ក្នុងបរិមាណច្រើនបន្ថែមទៀតដែរ ខណៈបច្ចុប្បន្នក្រុមហ៊ុននេះកំពុងដុតដៃដុតជើងបង្កើនចំនួនផលិតរបស់ខ្លួន។
ក្រៅពីផ្គត់ផ្គង់អេក្រង់ OLED ក្រុមហ៊ុនកូរ៉េខាងត្បូងនេះទំនងជានឹងផ្គត់ផ្គង់អេក្រង់ LCD ប្រមាណ ២០ លានផ្ទាំងដល់ Apple សម្រាប់បំពាក់លើ iPhone អេក្រង់ទំហំ ៦,១ អ៊ីញ ដែលចេញឆ្នាំ ២០១៨ នេះដែរ។
ក្រៅពី LG អេក្រង់ LCD សម្រាប់ iPhone ឆ្នាំ ២០១៨ ក៏នឹងត្រូវផ្គត់ផ្គង់ដោយក្រុមហ៊ុន Japan Display ផងដែរ ខណៈ Samsung នៅតែជាអ្នកផ្គត់ផ្គង់អេក្រង់ OLED យ៉ាងច្រើនសម្បើមឲ្យ Apple ប្រើលើ iPhone ឆ្នាំ ២០១៨៕