ស្ងាត់ៗ ភ្នាក់ងារ Pogba កំពុងចរចាជាមួយ Barcelona

2018-07-15 06:17:58
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីរយៈពេល២ឆ្នាំពោរពេញទៅដោយភាពប្រេះឆានៅ Manchester United ក្រោមការដឹកនាំរបស់លោក Jose Mourinho ទីបំផុត Paul Pogba អាចនឹងរកផ្លូវចេញឃើញហើយ។

ខ្សែបម្រើរូបនេះត្រូវបានភ្នាក់ងារ គឺលោក Mino Raiola បានផ្គូផ្គងជាមួយនឹងក្លឹបអ្នកមានបុណ្យ Barcelona។ នេះបើតាមសារព័ត៌មានអេស្ប៉ាញ Mundo Deportivo និង ត្រូវបានដកស្រង់ដោយ ESPN នៅថ្ងៃនេះ។

តារាឆ្នើមសញ្ជាតិបារាំង និង គ្រូបង្វឹកសញ្ជាតិព័រទុយហ្គាល់ តែងមិនត្រូវរ៉ូវគ្នាកាលពីរដូវកាលមុន។ Pogba កំពុងសប្បាយចិត្តលេងឲ្យក្រុមជម្រើសជាតិនៅ World Cup ហើយទំនងជាមិនចង់ត្រលប់ទៅនៅក្រោមការគ្រប់គ្រងរបស់លោក Mourinho សារជាថ្មីទៀតទេ។

ភ្នាក់ងារអតីតកីឡាករ Juventus បាននិយាយថា កីឡាករវ័យ២៥ឆ្នាំមិនសប្បាយចិត្តលេងឲ្យ Mourinho ឡើយ។

អតីតកីឡាករបំបែកកំណត់ត្រាពិភពលោកដែលមានតម្លៃខ្លួនថ្លៃបំផុត ១១៨ លានដុល្លារ នឹងសល់កុងត្រាជាមួយបិសាចក្រហមរហូតដល់ឆ្នាំ ២០២១។

ដោយឡែក Sportskeeda ក៏បានរាយការណ៍ថា Luis Suarez និង Lionel Messi ក៏ជាអ្នកនៅពីក្រោយនៃការបញ្ចុះបញ្ចូលឲ្យ Barcelona ចុះកុងត្រាជាមួយ Pogba បន្ទាប់ពីការចាកចេញរបស់ Iniesta ដែលបានទៅលេងនៅលីគជប៉ុន៕

ប្រភព៖ ESPN FC | Sports Keeda ប្រែសម្រួល៖ សុខ លាងហ៊ត