បារាំងឬក្រូអាត ជាអធិរាជម្ចាស់ពានបាល់ទាត់ពិភពលោក World Cup?

2018-07-15 08:19:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្លងកាត់មួយខែពេញទីបំផុតប្រទេសដែលបានឡើងផ្ដាច់ព្រ័ត្របានរកឃើញនោះបារាំងត្រូវជួបតទល់នឹងក្រូអាត ក្នុងទីក្រុង Moscow នៃកីឡដ្ឋានLuzhniki Stadium ប្រទេសរុស្សីវេលាម៉ោង១០យប់នេះ។ ពេលមកស្វែងយល់ពីព័ត៌មានលម្អិតនៃក្រុមទាំងពីរ៖

ព័ត៌មានក្រុមទាំងពីរ

ខ្សែបម្រើបារាំង Blaise Matuidi អាចនឹងចូលលេងបាន ត្បិតប្ដូរចេញពេលប្រកួតជាមួយបែលហ្ស៊ិកប៉ះជាមួយ Eden Hazard
គ្រូធំរបស់ក្រូអាត Zlatko Dalic ប្រាប់ថា កីឡាករខ្លួនមានរបួសតិចតួច
ខ្សែបម្រើប្រយុទ្ធរបស់ក្រូអាត Ivan Perisic កំពុងព្យាបាលរបួស ហើយមិនបានហ្វឹកហាត់ទេកាលពីថ្ងៃសុក្រ
ខ្សែការពារកណ្ដាលរបស់ក្រូអាត Domagoj Vida អាចលេងវិញបានយប់នេះ បន្ទាប់ FIFA មិនចាប់ទោសរឿងគេស្ថិតក្នុងវីដេអូស្រែកគាំទ្រប្រទេសអ៊ុយក្រែន
Ivan Rakitic នឹងប្រឹងលេង ទោះផ្ដាសាយ

ប្រវត្តិជួបគ្នា

បារាំងមិនដែលចាញ់សោះក្នុងជំនួបគ្នា៥ដង ជាមួយក្រូអាត ក្នុងនោះឈ្នះ៣ ស្មើ២
បារាំងធ្លាប់ទម្លាក់ក្រូអាតនៅវគ្គពាក់កណ្ដាលផ្ដាច់ព្រ័ត្រ World Cup ១៩៩៨ ក្នុងលទ្ធផល២-១
ក្រុមទាំងពីរធ្លាប់ប្រកួតស្មើគ្នា ១-១ ពេលនៅពូលជាមួយគ្នា Euro ២០០៤

រឿងត្រូវដឹងពីក្រុមបារាំង

បារាំងជាប្រទេសទី៦ ដែលបានឡើងផ្ដាច់ព្រ័ត្រ WC ៣ដងឡើងទៅ តាមអាល្លឺម៉ង់ធ្លាប់ឡើង៨ដង, ប្រេស៊ីលនិងអ៊ីតាលី៦ដង. អាហ្សង់ទីន៥ដង និងហូឡង់៣ដង
៣នៃ៤គ្រាប់របស់បារាំងដែលរកបាននៅផ្ដាច់ព្រ័ត្រ World Cup គឺរកបានពីបាល់ជ្រុង២គ្រាប់ និងប៉េណាល់ទី១គ្រាប់
៥គ្រាប់របស់បារាំងរកបាននៅ WC ឆ្នាំនេះ មាន៣គ្រាប់សម្រេចបានពីខ្សែការពារ ((Benjamin Pavard, Raphael Varane និង Samuel Umtiti)
Didier Deschamps កំពុងសម្លឹងក្លាយជាបុរសទី៣ ដែលអាចឈ្នះ World Cup ក្នុងនាមជាគ្រូនិងកីឡាករ បន្ទាប់ពីលោក Mario Zagallo និង Franz Beckenbauer
ខ្សែប្រយុទ្ធមិនដែលបាត់មុខ Olivier Giroud ទាត់បាន១៣ជើង នៅតែមិនចំគោលដៅ

រឿងត្រូវដឹងពីក្រូអាត

ក្រូអាតជាប្រទេសទី១៣បានឡើងមកផ្ដាច់ព្រ័ត្រ World Cup
ពួកគេជាក្រុមទី១ ដែលបានឡើងមកផ្ដាច់ព្រ័ត្រដោយលេងថែមម៉ោង១២០នាទី នៅ៣ប្រកួតវគ្គចាញ់ធ្លាក់
WC ឆ្នាំនេះក្រូអាតរកបាន១២គ្រាប់ មានកីឡាករ៨នាក់ជាអ្នករកគ្រាប់បាល់
ក្រូអាតជាក្រុមសាងកំហុសច្រើនជាងគេ៩៩ដង និងមានកាតលឿងច្រើនជាងគេ១៤កាត ក្នុង WC ឆ្នាំនេះ - Ivan Perisic ជាអ្នករួមចំណែក១០គ្រាប់ក្នុងកម្មវិធីនេះ
Luka Modric បានបង្កើតឱកាស១៦ដងនៅ World Cup ឆ្នាំនេះ

១១នាក់បារាំង