រឿងកាន់តែក្តៅ ស្រ្តីរុស្ស៊ីលង់ស្នេហ៍បុរសជាអ្នកគាំទ្របរទេសអំឡុង World Cup

2018-07-16 08:26:34
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសបរទេសរាប់រយរាប់ពាន់នាក់បានសម្រុកចូលប្រទេសរុស្ស៊ីសម្រាប់ព្រឹត្តិការណ៍ World Cup ដែលមានរយៈពេលមួយខែ នាំឲ្យមានការជជែកវែកញែកយ៉ាងក្តៅគគុកជុំវិញនឹងតួនាទី និង សិទ្ធិរបស់ស្រ្តីរុស្ស៊ីក្នុងនាមជាម្ចាស់ផ្ទះ។

ស្រ្តីរុស្ស៊ីជាច្រើនបានបង្កើតទំនាក់ទំនង និង ណាត់ជួបជាមួយបុរសជាអ្នកគាំទ្របាល់ទាត់មកពីប្រទេសនានា ហើយ ត្រូវបានអ្នកអត្ថាធិប្បាយរុស្ស៊ីធ្វើការរិះគន់នឹងទង្វើអសីលធម៌នេះ។

ខុសពីប្រទេសលោកខាងលិចដទៃទៀត រុស្ស៊ីត្រូវគេស្គាល់ថាជាប្រទេសដែលដាក់គំនាប និង ឲ្យតម្លៃមនុស្សស្រីមិនស្មើបុរស មិនខុសពីពីប្រទេសអាស៊ីមួយចំនួនឡើយ។

អ្នកគាំទ្ររុស្ស៊ី ក្រោយប្រទេសខ្លួនធ្លាក់ពេលប៉ះក្រូអាត ខកខានមិនបានឡើងដល់វគ្គពាក់កណ្តាលផ្តាច់ព្រ័ត្រ

សារព័ត៌មានក្នុងស្រុករបស់រុស្ស៊ី Platon Besedin បានរិះគន់នឹងទង្វើនេះថា "នេះជាសម័យរបស់ស្រីចើក។ ស្ត្រីរុស្ស៊ីកំពុងតែនាំមកនូវភាពអាម៉ាស់ដល់ខ្លួន និង ប្រទេសរបស់ពួកគេ"។ នេះបើតាមទីភ្នាក់ងារព័ត៌មាន AP ចុះផ្សាយថ្ងៃនេះ។

ប្រព័ន្ធផ្សព្វផ្សាយសង្គមដ៏ល្បី VKontakte បានបង្ហោះវីដេអូរាប់រយដែលស្ត្រីរុស្ស៊ីហ៊ោអបអរ អោបថើបជាមួយ អ្នកគាំទ្របាល់ទាត់បរទេស ធ្វើឲ្យមហាជនរិះគន់មិនសំចៃ។

វិសមភាពយេនឌ័ររបស់ប្រទេសអឺរ៉ុបដែលប្រជាជន ៥៤% ជាមនុស្សស្រី។ បុរសជនជាតិរុស្ស៊ីមានអាយុជាមធ្យមត្រឹមតែជាង ៦៦ ឆ្នាំហើយសុខភាពរបស់ពួកគេជារឿយៗ រងការប៉ះពាល់ខ្លាំងដោយសារការជក់បារី និង ផឹកស្រាច្រើនលើសចំណុះ។

នាង Mariam មានមុខរបរជាជាងធ្វើការនៅហាងកែសម្ផស្សនៅក្រុងមូស្គូគឺជានារីម្នាក់ក្នុងចំណោមស្រ្តីរុស្ស៊ីដែលបានលង់ស្នេហ៍បុរសបរទេសដែលជាអ្នកគាំទ្រក្រុមជម្រើសជាតិម៉ិកស៊ិក មានឈ្មោះថាអូម៉ា ដែលបានណាត់ជួបគ្នានៅ Red Square ក្រៅទីលាន។

នាងបាននិយាយថា "គាត់មានចិត្តល្អនិងគោរពខ្ញុំ។ ដោយសារតែរឿងនេះ ទើបខ្ញុំស្រលាញ់គាត់"។

ចំពោះជនជាតិរុស្ស៊ី សកម្មភាពរបស់នាង Mariam គឺជាទង្វើដែលគួរឲ្យរអើម។

នៅសប្តាហ៍ដំបូងនៃការប្រកួត World Cup អ្នកស្រី Tamara Pletnyova សមាជិកសភារុស្ស៊ី បានព្រមានស្ត្រីរុស្ស៊ីមិនឱ្យមានទំនាក់ទំនងស្នេហាជាមួយជនបរទេស ដោយបារម្ភស្រ្តីទាំងនោះអាចនឹងចិញ្ចឹមកូនតែឯងនៅពេលបុរសបរទេសទាំងនោះត្រលប់ទៅប្រទេសពួកគេវិញបន្ទាប់ពី World Cup។

រឿងរ៉ាវនាង Mariam និង ស្រ្តីរុស្ស៊ីដែលបានលង់ស្នេហ៍បុរសបរទេស ហាក់ដូចកំពុងដាស់តឿនប្រជាជនថាស្រ្តីរុស្ស៊ីចង់បានសិទ្ធសេរីភាពក្នុងការជ្រើសរើសរបស់ពួកគេ។

ស្ថានភាពរបស់ប្រទេសម្ចាស់ផ្ទះរុស្ស៊ី ក៏បានធ្វើឲ្យ FIFA ចូលរួមចាត់វិធានការ ធ្វើយ៉ាងណាកុំឲ្យបុរសបរទេស និង ស្រ្តីរុស្ស៊ីចាក់ឬសស្នេហាជ្រាលជ្រៅ។ FIFA បានសម្រេចកាត់បន្ថយរូបភាពនារីវ័យក្មេងស្រស់ស្អាតនៅលើកញ្ចក់ទូរទស្សន៍ អំឡុងព្រឹត្តិការណ៍ World Cup៕

ប្រភព៖ AP ប្រែសម្រួល៖ សុខ លាងហ៊ត

ពាក្យទាក់ទង

FIFA World Cup 2018

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត