ក្រោយលែងលះគ្នាអស់រយៈពេល ១ខែ ម៉ីជូហាក់ស្គមស្គាំងជាងមុន

2018-07-16 02:16:28
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលប្រហែល ១ខែហើយ ចាប់តាំងពីតារាសម្ដែង Vanness Wu (ម៉ីជូ) និងកូនមហាសេដ្ឋីសិង្ហបុរី Arissa Cheo បានសម្រេចចិត្តលែងលះគ្នា ក្រោយចាប់ដៃគ្នាជាគូជីវិតជាង ៥ ឆ្នាំមក។

អំឡុងពេល១ខែមកនេះ តារាសម្ដែងVanness Wu មិនបានចូលរួមក្នុងកម្មវិធីអ្វីឡើយ រហូតមកដល់ថ្ងៃម្សិលមិញនេះ លោកបានបង្ហាញខ្លួនជាលើកដំបូងក្នុងកម្មវិធីខួបកំណើតដែលប្រារព្ធឡើងជាមួយអ្នកគាំទ្ររបស់លោក។

ក្នុងកម្មវិធីនោះដែរ សង្កេតឃើញថាតារាសម្ដែងរូបនេះ មានរូបរាងស្គម និងមិនសូវញញឹមច្រើនដូចមុន។ អំឡុងពេលមានវត្តមានក្នុងកម្មវិធីនេះ តារាសម្ដែង Vanness Wu បានញញឹមដាក់អ្នកគាំទ្ររបស់លោកដូចរាល់ដង ប៉ុន្តែទង្វើ និងកាយវិការរបស់លោកទាំងប៉ុន្មាន អាចឲ្យអ្នកគាំទ្រមើលដឹងថា លោកនៅមិនទាន់មានអារម្មណ៍ល្អឡើងវិញនៅឡើយទេ។

គួររម្លឹកដែរថា Vanness Wu បានចុះលិខិតលែងលះគ្នាជាមួយអតីតភរិយារបស់លោកចំនួន ២ដងរួចមកហើយ ប៉ុន្តែនាងបានបដិសេធមិនព្រមចុះហត្ថលេខា។ ក្រោយមកទៀត ដោយសារតែមានរឿងរ៉ាវឈ្លោះទាស់ទែងគ្នាមិនចេះចប់ បូករួមនឹងអតីតភរិយារបស់លោកមិនទាន់មានកូនទៀតនោះ ពួកគេក៏បានសម្រេចចិត្តយល់ព្រមលែងលះគ្នាជាផ្លូវការ៕

ប្រភព៖ Kenh14 ប្រែសម្រួល៖ អន សុភក្ត្រា