ចិនមានចេតនាបង្កើតរោងចក្រអគ្គិសនីធ្យូងថ្ម និងប្រព័ន្ធផ្កាយរណបនៅកម្ពុជា
- 2018-07-16 02:26:50
- ចំនួនមតិ 0 | ចំនួនចែករំលែក 0
ចិនមានចេតនាបង្កើតរោងចក្រអគ្គិសនីធ្យូងថ្ម និងប្រព័ន្ធផ្កាយរណបនៅកម្ពុជា
ចន្លោះមិនឃើញ
ក្នុងជំនួបពិភាក្សារវាង រដ្ឋមន្ត្រីនៃក្រសួងពាណិជ្ជកម្ម និងប្រតិភូធុរជនមកពីខេត្តសៀងហៃ ក្រុមអ្នកវិនិយោគចិនបានបង្ហាញចេតនាបង្កើតរោងចក្រផលិតថាមពលអគ្គិសនីដើរដោយធ្យូងថ្ម និងប្រព័ន្ធផ្កាយរណបនៅក្នុងប្រទេសកម្ពុជា ដើម្បីផ្គត់ផ្គង់តម្រូវការប្រើប្រាស់ក្នុងស្រុក និងចូលរួមអភិវឌ្ឍន៍វិស័យអគ្គិសនី និងទូរគមនាគមន៍ ជាមួយរាជរដ្ឋាភិបាលកម្ពុជា។
លោក Liang Shan អនុប្រធានក្រុមហ៊ុន Shanghai Electronic Communication Technology បានប្រាប់ពី សាវតាក្រុមហ៊ុនឯកទេសខាងដំឡើងរោងចក្រថាមពលអគ្គិសនីធ្យូងថ្ម ជាមួយបច្ចេកវិទ្យាទំនើប មិនប៉ះពាល់ដល់បរិស្ថាន។
លោកឲ្យដឹងថា លក្ខណៈពិសេសនៃប្រព័ន្ធបច្ចេកវិទ្យាផ្កាយរណបនេះ អាចចាប់រូបភាព និងបញ្ជូនទិន្ន័យឆ្លងកាត់ទ្វីប និងប្រទេសជាច្រើនក្នុងពិភពលោក។ តំណាងក្រុមហ៊ុនទាំងពីរ បានស្នើសុំក្រសួងពាណិជ្ជកម្ម ជួយគាំទ្រគម្រោងវិនិយោគនេះ ដើម្បីបង្កើនទំហំវិនិយោគរវាងខេត្តសៀងហៃ និងប្រទេសកម្ពុជា។
ឆ្លើយតបនឹងបំណងនេះ ឯកឧត្តម ប៉ាន សូរស័ក្តិ រដ្ឋមន្ត្រីនៃក្រសួងពាណិជ្ជកម្ម បានគាំទ្រ និងសន្យាជួយសម្របសម្រួលគម្រោងទាំងនេះ ឲ្យលេចរូបរាង។ ឯកឧត្តមស្នើទៅកាន់តំណាងក្រុមហ៊ុនទាំងពីរ ធ្វើការសិក្សាអំពីលក្ខណៈភូមិសាស្ត្រនៃប្រទេសកម្ពុជា និងសក្តានុពលអតិថិជនឲ្យបានច្បាស់ ដើម្បីរៀបចំសំណើវិនិយោគផ្លូវការ ៕
ចុចអានបន្ត៖
ព្រលានយន្តហោះថ្មីនៅខេត្តសៀមរាមនឹងចាប់ផ្ដើមសាងសង់ ក្រោយបោះឆ្នោតរួច
អ្នកជំនាញ៖ ក្រោយការបោះឆ្នោត វិស័យអចលនទ្រព្យនឹងមានភាពរីកចម្រើនខ្លាំង