គ្រោះធម្មជាតិថ្មីមួយនៅជប៉ុន សម្លាប់មនុស្ស៨ នាក់ និងបញ្ជូនទៅពេទ្យរាប់ពាន់នាក់
- 2018-07-16 03:39:32
- ចំនួនមតិ 0 | ចំនួនចែករំលែក 0
គ្រោះធម្មជាតិថ្មីមួយនៅជប៉ុន សម្លាប់មនុស្ស៨ នាក់ និងបញ្ជូនទៅពេទ្យរាប់ពាន់នាក់
ចន្លោះមិនឃើញ
យ៉ាងហោចណាស់ មានមនុស្ស ៨នាក់បានស្លាប់ និង ១ ៥០០ នាក់ផ្សេងទៀត ត្រូវបានបញ្ជូនទៅកាន់មន្ទីរពេទ្យក្រោយជួបប្រទះរលកកម្ដៅកាលពីថ្ងៃសៅរ៍។
យោងតាមអាជ្ញាធរជប៉ុនឲ្យដឹងថា ការស្លាប់នេះ បានកើតឡើងនៅក្នុងអាណាខេត្តជប៉ុនទាំង ៦រួមមាន ៖ Toyama, Shizuoka, Tottori, Hiroshima, Oita និង Kumamoto ដែលអាកាសធាតុឡើងក្ដៅខ្លាំងរហូតដល់ ៣៣,៥ អង្សា និង ៣៧,៤អង្សា។ ចំណែកឯអាណាខេត្ត ៣ទៀតដូចជា Kyoto, Gifu និង Mie កម្ដៅឡើងខ្លាំងបំផុតរហូតដល់ ៣៨ អង្សា។ លើសពីនេះទៀត ភ្នាក់ងារអាកាសធាតុជប៉ុន បានចេញសេចក្ដីព្រមានថាអាកាសធាតុអាចនឹងបន្ដក្តៅរហូតពេញមួយសប្ដាហ៍នេះ។
គួរឲ្យដឹងថា រលកកម្ដៅនេះ បានកើតឡើងរយៈពេលប៉ុន្មានថ្ងៃប៉ុណ្ណោះ ក្រោយពេលដែលគ្រោះទឹកជំនន់ និងការបាក់ដីដ៏អាក្រក់នៅភាគខាងលិចប្រទេស បានសម្លាប់មនុស្សជាង ២០០ នាក់កាលពីថ្ងៃទី ៧ កក្កដាកន្លងទៅថ្មីៗនេះ៕
ចុចអាន ៖