នាំផលិតផលខ្លួនចូលម្ដង Vicky ធ្វើពិធីជប់លៀងមួយអស់ដៃ ហៅតារាខ្មែរច្រើននាក់ចូលរួម
- 2018-07-16 06:08:50
- ចំនួនមតិ 0 | ចំនួនចែករំលែក 0
នាំផលិតផលខ្លួនចូលម្ដង Vicky ធ្វើពិធីជប់លៀងមួយអស់ដៃ ហៅតារាខ្មែរច្រើននាក់ចូលរួម
ចន្លោះមិនឃើញ
ក្រោយប្រកាសនាំយកផលិតផល Liv White Diamond របស់ខ្លួនមកវាយលុកទីផ្សារកម្ពុជា តារាសម្ដែងជើងចាស់ថៃ Sunisa Vicky Jett បានធ្វើពិធីជប់លៀងសម្ពោធយ៉ាងធំមួយកាលពីយប់ថ្ងៃសៅរ៍កន្លងទៅ នៅសណ្ឋាគារ សូហ្វីតែល ភ្នំពេញ ដោយអញ្ជើញសិល្បករខ្មែរច្រើនចូលរួម។
តារាខ្មែរដែលបានចូលរួមមានដូចជា កញ្ញា ប្រាសាទ ដាវីន អ្នកនាង ភិន សុដាលីស ចោម កណ្ណិកា លោក អេឡិច ហ្សូរ៉ា និងម៉ូដែលក្មេងៗស្អាតៗជាច្រើននាក់ទៀត។ សិល្បករ សិល្បការិនីទាំងអស់សុទ្ធប្រើសម្លៀកបំពាក់ពណ៌ស និងទឹកប្រាក់ យ៉ាងសក្ដិសមទៅនឹងការស្វាគមន៍ផលិតផលផ្សំពីពេជ្រនេះ។
Vicky បានឲ្យដឹងថា ផលិតផល Liv White Diamond ដែលខ្លួន និងស្វាមីបានបង្កើតឡើង នេះទទួលបានជោគជ័យខ្លាំងនៅក្នុងប្រទេសកំណើតខ្លួនអស់រយៈពេល ៣ ឆ្នាំមកហើយ ។ ដោយយល់ថាកម្ពុជាជាប្រទេសជិតខាង និងប្រជាជនមានស្ថានភាពស្បែកប្រហែលគ្នា ទើបអ្នកនាងសម្រេចចិត្តថាយកប្រទេសនេះ ជាប្រទេសបន្ទាប់ដើម្បីដាក់លក់ផលិតផលខ្លួន ដើម្បីដោះស្រាយរាល់បញ្ហាស្បែករបស់អតិថិជន។
តារាថៃដដែលបន្ថែមថា មនុស្សគ្រប់វ័យអាចសាកល្បងបាន ដោយធានា ១០០ ភាគរយថា Liv White Diamond ត្រូវបានផលិតឡើងដោយធាតុផ្សំពីធម្មជាតិពិតៗ មិនធ្វើឲ្យខូចស្បែក និងល្អខ្លាំងសម្រាប់អ្នកឧស្សាហ៍ Make Up ពិសេសអាចប្រើបានទាំងបុរស នារី និងអ្នកមានផ្ទៃពោះ។
កម្ពុជា ជាប្រទេសទី ៤ បន្ទាប់ពី ថៃ ចិន ភូមា ដែលបាននាំចូលផលិតផលនេះ ដោយបច្ចុប្បន្ន Liv White Diamond មាន ៤ ប្រភេទគឺ គ្រីមលាបមុខ LIV White Diamond Cream ម្ស៉ៅផាត់ ឡេការពារកម្ដៅថ្ងៃ និង DD Cream។
អ្នកគាំទ្រអាចទាក់ទងទិញតាមលេខ 012 260 212, 095 20 20 19 និង 070 995 666 ឬចូលទៅទំព័រ Facebook Liv White Diamond Cambodia ដើម្បីដឹងពីព័ត៌មានបន្ថែម៕