ណែនាំឲ្យស្គាល់ជើងខ្លាំងហ្គេម ១០ រូប កំពុងល្បីពេញ YouTube

2018-07-17 02:11:55
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលប៉ុន្មានឆ្នាំចុងក្រោយ គេសង្កេតឃើញវិស័យហ្គេមលើបណ្តាញសង្គមហាក់កំពុងទទួលបានការគាំទ្រខ្លាំងពីមួយថ្ងៃទៅមួយថ្ងៃ។ Gamer ជើងខ្លាំងឆ្លៀតបង្ហោះវីដេអូផ្សព្វផ្សាយពីហ្គេមៗថ្មី ក៏ដូចជាដំណើរការនៃការលេងទៅកាន់ប្រិយមិត្តរបស់ខ្លួនរាប់លាននាក់ រហូតខ្លះទទួលបានចំណូលខ្ទង់លានដុល្លារប្រចាំឆ្នាំ។

១១.TheWillyrex:

ចំនួន Subscribers: ១៤,២ លាននាក់

បុរសវ័យ ២៤ ឆ្នាំឲ្យឈ្មោះ Guillermo Diaz មានដើមកំណើតក្នុងប្រទេសអេស្ប៉ាញ បានក្លាយជា Gamer មានឈ្មោះល្បីមួយរូបលើ YouTube តាមរយៈការបង្ហោះវីដេអូហ្គេម Minecraft របស់ខ្លួន ដោយចំណូលចិត្តនេះបានជំរុញឲ្យលោកបង្ហោះវីដេអូជារៀងរាល់ថ្ងៃ តាំងពីឆ្នាំ ២០១០ មកម្ល៉េះ។

១០.Rezendeevil:

ចំនួន Subscribers: ១៧,៩ លាននាក់

បុរសវ័យ ២១ សញ្ជាតិប្រេសីល បានឈ្នះពានរង្វាន់ Nickelodeo Brazil Kids' Choice Award កាលពីឆ្នាំ ២០១៦ និង Trengdy Guy នាឆ្នាំ ២០១៧។ លោកក៏ត្រូវបានគេស្គាល់ជាជើងខ្លាំងហ្គេម Minecraft និង Resident Evil មួយរូបផងដែរ។

៩.DanTMD:

ចំនួន Subscribers: ១៩,៥ លាននាក់
ចំណូលក្នុងឆ្នាំ ២០១៧: ១៦,៥ លានដុល្លារ

អ្នកលេងហ្គេមអាជីពក្នុងចក្រភពអង់គ្លេស Daniel Middleton ដំបូងឡើយត្រូវបានស្គាល់ថា The Diamond Micnecraft ព្រោះធ្លាប់ជាអ្នកចូលចិត្តលេង Minecraft ប៉ុន្តែមួយរយៈក្រោយនេះបន្ទាប់ពីលោកល្បីល្បាញខ្លាំង ក៏ផ្តើមបង្កើត Online Store មួយ សម្រាប់លក់ទំនិញរបស់ខ្លួនទៅកាន់ប្រិយមិត្តអ្នកគាំទ្រ។ ក្នុងឆ្នាំ ២០១៧ ជាប់ក្នុងលំដាប់តារាលើ YouTube ដែលទទួលបានចំណូលច្រើនបំផុត។

៨.Jacksepticeye:

ចំនួន Subscribers: ១៩,៦ លាននាក់

បុរសមកពីអៀរឡ់ងឲ្យឈ្មោះ Sean William McLoughlin ជាអ្នកមានឥទ្ធិពលមួយរូប បន្ទាប់ពីបុគ្គលល្បី PewDiePie បាន Mention ឈ្មោះរបស់លោក ក្នុងវីដេអូមួយលើ YouTube។

៧.Markiplier:

ចំនួន Subscribers: ២១ លាននាក់
ចំណូលក្នុងឆ្នាំ ២០១៧: ១២,៥ លានដុល្លារ

លោក Mark Fishbach ជាប់ជាតារា YouTuber ទទួលចំណូលច្រើនបំផុតលំដាប់ទី ៤ នាឆ្នាំ ២០១៧។ ត្រូវបានគេស្គាល់ជាតារាពូកែលេងទឹកមុខមួយរូប ក្នុងវីដេអូហ្គេមបែបកំប្លែង។

៦.Vegetta777:

ចំនួន Subscribers: ២៣ លាននាក់

កើតក្នុងទឹកដីអេស្ប៉ាញ លោក Samuel de Luque Batuecas ជាជើងខ្លាំងខាងហ្គេម Minecraft បន្សំនឹងការលេងហ្គេមល្បីផ្សេងទៀតដូចជា Grand Theft Auto, Rainbow Six និង Resident Evil។

៥.VanossGaming:

ចំនួន Subscribers: ២៣,១ លាននាក់
ចំណូលក្នុងឆ្នាំ ២០១៧: ១៥,៥ លានដុល្លារ

បុរសសញ្ជាតិកាណាដា Evan Fong ជាប់ជា YouTuber លំដាប់ទី ២ ទទួលបានចំណូលច្រើនបំផុតកាលពីឆ្នាំទៅ។ ក្រៅពីភាពត្លុក លោក Fong ក៏បង្កើតនូវប្រភេទវីដេអូមានចលនា (Animated) សរុបមានអ្នកទស្សនាជាង ៦០ លានដង នៃវីដេអូសរុបទាំង ៣០។

៤.JuegaGerman:

ចំនួន Subscribers: ២៧,៤ លាននាក់

ជាតារាល្បីឈ្មោះបំផុតលើ YouTube ប្រចាំប៉ែកអាមេរិកឡាទីន ដោយដើរតួទាំងជាតារាកំប្លែង, អ្នកលេងហ្គេម និងអ្នកសម្ែង ហើយក៏ជាសមាជិកនៃក្រុមតន្រ្តី Pop Rock ឲ្យឈ្មោះ Chilean ថែមទៀតផង។

៣.Fernanfloo:

ចំនួន Subscribers: ២៨,៥ លាននាក់

លោក Luis Fernando Flores ក៏មានឈ្មោះបោះសំឡេងខ្លាំងក្នុងវិស័យហ្គេម ប៉ុន្តែលោកលេងបែបចម្រុះ រហូតឈានដល់ការបង្កើតហ្គេមមួយឲ្យឈ្មោះ Fernanfloo សម្រាប់ទាញយកថែមទៀតផង។

២.ElRubiusOMG:

ចំនួន Subscribers: ៣០,១ លាននាក់

ជា YouTuber សញ្ជាតិអេស្ប៉ាញលេងគ្រប់ប្រភេទនៃហ្គេមតាំងពីហ្គេមបែបព្រឺព្រួចឡើងទៅ ប៉ុន្តែលោកក៏មានវីដេអូ Vlogs សម្រាប់បង្ហាញកាន់តែលំអិតពីដំណើរជីវិតប្រចាំថ្ងៃរបស់ខ្លួនទៀតផងដែរ។

១.PewDiePie:

ចំនួន Subscribers: ៦៤ លាននាក់
ចំណូលក្នុងឆ្នាំ ២០១៧: ១២ លានដុល្លារ

ឈ្មោះពិត Felix Arvid Ulf Kjellberg ជាប់ជាតារា YouTube លំដាប់ទី ៦ ទទួលចំណូលក្រាស់បំផុត ប៉ុន្តែជា Gamer ដែលមាន Subscribers ច្រើនបំផុតដល់ទៅជាង ៦០ លាននាក់។