Hailey Baldwin មានប្រតិកម្មបែបណា ពេលឃើញស្នាមសាក់រូប Selena លើដៃ Justin?
- 2018-07-17 02:33:00
- ចំនួនមតិ 0 | ចំនួនចែករំលែក 0
Hailey Baldwin មានប្រតិកម្មបែបណា ពេលឃើញស្នាមសាក់រូប Selena លើដៃ Justin?
ចន្លោះមិនឃើញ
ខណៈពេលដែលស្រឡាញ់គ្នាជាមួយតារាចម្រៀង Selena Gomez តារាចម្រៀង Justin Bieber បានសាក់រូបនាងលើកដៃរបស់លោក។ ហើយបច្ចុប្បន្ននេះ លោកបានភ្ជាប់ពាក្យជាមួយ Hailey Baldwin ប៉ុន្តែនៅតែរក្សាស្នាមសាក់រូបអតីតសង្សារចាស់ដដែល។
ទោះជាយ៉ាងណាក៏ដោយ បើតាមប្រភពជិតស្និទ្ធមួយបានប្រាប់ទៅកាន់វិបសាយ Hollywood Life ថា តារាម៉ូដែល Hailey មិនបានខ្វល់ខ្វាយពីស្នាមសាក់មួយនោះទេ។ នាងមិនមែនជាមនុស្សដែលចាប់អារម្មណ៍លើរាល់បញ្ហាបែបនេះ និងមានប្រតិកម្មអ្វីឡើយ។ ម៉្យាងវិញទៀត តារាចម្រៀង Justin បានប្រើប្រាស់ពាក្យពេចន៍ផ្អែមល្ហែមលួងលោមនាងដើម្បីឲ្យមានអារម្មណ៍ល្អ។ លោកបាននិយាយថា ស្នាមសាក់នោះ គ្រាន់តែជារឿងអតីតកាលតែប៉ុណ្ណោះ ហើយ Hailey គឺជាមនុស្សស្រីតែម្នាក់ដែល Justin ជ្រើសរើសយកជាគូអនាគត។
មិនត្រឹមតែប៉ុណ្ណឹងនោះទេ ប្រភពដដែលនេះបានបញ្ជាក់ទៀតថា តារាចម្រៀងរូបនេះ ក៏បានសន្យាដែរថានឹងសាក់រូបគូដណ្ដឹងរបស់លោក ដើម្បីបញ្ជាក់ក្ដីស្រឡាញ់របស់ពួកគេជារៀងរហូត។ ពួកគេអាចនឹងសាក់រូបជាមួយគ្នា ហើយ Hailey មានអារម្មណ៍ថាធូរស្បើយដែលគ្មានអ្វីអាចផ្លាស់ប្ដូរទំនាក់ទំនងរបស់ពួកគេបាន៕