រកឃើញនំប៉័ងអាយុកាលជាង ១ម៉ឺនឆ្នាំ បង្កប់រឿងរ៉ាវគួរឲ្យភ្ញាក់ផ្អើល
- 2018-07-17 03:00:49
- ចំនួនមតិ 0 | ចំនួនចែករំលែក 0
រកឃើញនំប៉័ងអាយុកាលជាង ១ម៉ឺនឆ្នាំ បង្កប់រឿងរ៉ាវគួរឲ្យភ្ញាក់ផ្អើល
ចន្លោះមិនឃើញ
កាលពីថ្ងៃចន្ទម្សិលមិញនេះ ក្រុមអ្នកស្រាវជ្រាវបានរកឃើញបំណែកនំប៉័ងមួយដែលមានអាយុកាលប្រហែល ១៤ ៥០០ ឆ្នាំមុនក្នុងឡដុតមួយនៅតំបន់ឦសាននៃប្រទេសហ្សកដានី។
ការរកឃើញនំប៉័ងអាយុកាលច្រើនជាងគេបំផុតក្នុងពិភពលោកនេះ ត្រូវបានធ្វើឡើងនៅតំបន់កំណាយ Black Desert។ បើមើលទៅលើអាយុកាលនៃនំប៉័ងនេះ ក្រុមអ្នកស្រាវជ្រាវ មានការភ្ញាក់ផ្អើលយ៉ាងខ្លាំងដោយសារតែ "មនុស្សជំនាន់មុនចាប់ផ្ដើមចេះធ្វើនំប៉័ង រាប់ពាន់ឆ្នាំមុនពេលដែលពួកគេចេះដាំដុះរុក្ខជាតិទៅទៀត។”
យោងតាមអ្នកដឹកនាំក្រុមស្រាវជ្រាវ លោកសាស្ត្រាចារ្យ Amaia Arranz-Otaegui មកពីសកលវិទ្យាល័យ Copanhagen ឲ្យដឹងថា "ការរកឃើញនំប៉័ងនៅទីតាំងដែលមានអាយុដ៏ចំណាស់នេះ គឺពិតជាពិសេសណាស់។ ឥឡូវនេះ យើងត្រូវវាយតម្លៃថាតើមានទំនាក់ទំនងណាមួយរវាងការធ្វើនំប៉័ង និងការដាំដុះដែរឬទេ។ វាអាចទៅរួចដែលថានំប៉័ងជំរុញឲ្យមនុស្សមុនធ្វើការដាំដុះ និងកសិកម្ម ប្រសិនបើវាក្លាយអាហារដ៏ពេញនិយមនាសម័យនោះ។”
គួរឲ្យដឹងថា ការរកឃើញនេះ គឺជានំប៉័ងដែលមានអាយុកាលចាស់ជាងគេបំផុតក្នុងពិភពលោក ដោយកាលពីលើកមុនក្រុមអ្នកស្រាវជ្រាវបានរកឃើញភស្តុតាងនៃនំប៉័ងដែលមានអាយុកាលត្រឹម ៩ ១០០ ឆ្នាំប៉ុណ្ណោះក្នុងប្រទេស ទួកគី៕