ជនម្នាក់តាមគំរាមសម្លាប់ TWICE ពេលនេះត្រូវបានចាប់ខ្លួន

2018-07-17 08:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សម្នាក់ដែលបានគំរាមសម្លាប់ក្រុមចម្រៀង TWICE ពេលនេះត្រូវបានចាប់ខ្លួនហើយ ហើយអ្វីគ្រប់យ៉ាងកំពុងអនុវត្តទៅតាមលំដាប់លំដោយផ្លូវច្បាប់។

កាលពីឆ្នាំមុន អំឡុងខែមិថុនា និងកក្កដា ផលិតកម្ម JYP បានដាក់ពាក្យបណ្ដឹងមួយទៅកាន់ក្រមប៉ូលិស ដើម្បីកំណត់មុខសញ្ញាអ្នកដែលព្យាយាមគំរាមយកអាយុជីវិតរបស់ Mina ព្រមទាំងរៀបគម្រោងជះទឹកអាស៊ីដដាក់សមាជិកក្រុម TWICE ទាំងអស់ទៀត។

ក្រុមប៉ូលិសមានសមត្ថកិច្ចបាននាំគ្នាដុតដៃដុតជើងស៊ើបអង្កេតរឿងក្ដីនេះយ៉ាងយកចិត្តទុកដាក់បំផុត ហើយទីបញ្ចប់ ក្រុមការងារក៏បានរកឃើញបុរសម្នាក់ដែលជាប់ពាក់ព័ន្ធ។ តាមសេចក្ដីរាយការណ៍បានឲ្យដឹងថា បុរសម្នាក់នោះទើបមានអាយុ ២០ឆ្នាំស្ដើងប៉ុណ្ណោះ។

ក្រុមប៉ូលិសក៏បានបញ្ជាក់ដែរថា៖ "ទាក់ទងនឹងបទឧក្រិដ្ឋនេះ ខាងយើងកំពុងធ្វើការដោះស្រាយ ហើយបុគ្គលម្នាក់នោះក៏ត្រូវបានបញ្ជូនទៅឲ្យខាងច្បាប់ចាត់ការដែរ”៕

ប្រភព៖ Allkpop ប្រែសម្រួល៖ យី សុធារី