កីឡាករម្នាក់ហាក់ចង់បែកគ្នាជាមួយ Spurs បន្ទាប់ពីបង្ហាញទម្រង់លេងល្អក្នុង World Cup
- 2018-07-17 13:08:32
- ចំនួនមតិ 0 | ចំនួនចែករំលែក 0
កីឡាករម្នាក់ហាក់ចង់បែកគ្នាជាមួយ Spurs បន្ទាប់ពីបង្ហាញទម្រង់លេងល្អក្នុង World Cup
ចន្លោះមិនឃើញ
ខ្សែការពារ Toby Alderweireld ក្នុងថ្ងៃនេះ ហាក់បង្ហាញភាពមិនច្បាស់លាស់អំពីអនាគតខ្លួននៅក្លឹប Tottenham Hotspur។
កីឡាករ Alderweireld ត្រូវបានគេមើលឃើញបានបង្ហាញទម្រង់លេងល្អក្នុង World Cup លើកនេះ។ ខ្សែការពារបានលេងដល់ទៅ ៦ ប្រកួតក្នុងព្រឹត្តិការណ៍បាល់ទាត់ដ៏ធំនេះ និងជាផ្នែកមួយយ៉ាងសំខាន់ក្នុងការជួយក្រុមជម្រើសជាតិឲ្យបានលេង ៣។ ទោះជាយ៉ាងណា ការបង្ហាញទម្រង់លេងបែបនេះ ធ្វើឡើង បន្ទាប់ពីកីឡាករមិនសូវបានលេងមិនបានជាប់លាប់ឲ្យក្លឹប Spurs។ ដោយសារបញ្ហារបួសសរសៃពួរអស់រយៈពេល ៣ ទៅ ៤ខែ បូកផ្សំជាមួយការមិនដាក់ឲ្យចូលលេងពីសំណាក់អ្នកចាត់ការ Mauricio Pochettino ផង ធ្វើឲ្យខ្សែការពារលេងបានត្រឹម ២១ ប្រកួតប៉ុណ្ណោះពេញមួយរដូវកាល ២០១៧/១៨។
ថ្លែងប្រាប់អ្នកសារព័ត៌មានក្នុងថ្ងៃនេះ ខ្សែការពារ Alderweireld បាននិយាយថា ខ្លួនសប្បាយរីករាយដែលខ្លួនអាចបង្ហាញទម្រង់លេងបានល្អក្នុង World Cup។ នេះបង្ហាញថា ការណ៍ដែលអ្នកចាត់ការ Spurs មិនដាក់ខ្លួនឲ្យចូលលេងក្នុងការប្រកួតមួយចំនួនមុនពេល World Cup គឺជារឿង "មិនសម"។
កីឡាករបានបន្ត៖ "ខ្ញុំចង់បង្ហាញគេឯងថា ខ្ញុំនៅតែជាខ្ញុំកាលពីខែវិច្ឆិកា (មុនពេលរងរបួសខ្សែពួរ)”។
នៅចុងបញ្ចប់ នៅពេលដែលអ្នកសារព័ត៌មានសួរថា យល់យ៉ាងណាអំពីអនាគតនៃអាជីពខ្លួន ខ្សែការពារបែលហ្សិកបាននិយាយយ៉ាងខ្លីថា៖ "ខ្ញុំមិនទាន់ដឹងទេនៅពេលនេះ។ ឥឡូវខ្ញុំនឹងរៀបចំទៅចូលហាត់ជាមួយ Tottenham វិញ តែចំពោះរឿងថ្ងៃមុខអីផ្សេងទៀត ចាំមើលសិន"។
កន្លងមក មានពាក្យចចាមអារ៉ាមជាច្រើនថា ក្លឹបបិសាចក្រហម Manchester United កំពុងតាមទិញយ៉ាងប្រកិតកីឡាករ Alderweireld ពីក្លឹប Spurs៕