ក្រុមដែលចូលអុកឡុកការប្រកួតវគ្គផ្ដាច់ព្រ័ត្រ WC ត្រូវកាត់ទោសឲ្យជាប់ពន្ធនាគារ
- 2018-07-18 03:16:20
- ចំនួនមតិ 0 | ចំនួនចែករំលែក 0
ក្រុមដែលចូលអុកឡុកការប្រកួតវគ្គផ្ដាច់ព្រ័ត្រ WC ត្រូវកាត់ទោសឲ្យជាប់ពន្ធនាគារ
ចន្លោះមិនឃើញ
តុលាការប្រទេសរុស្សីបានកាត់ឲ្យមនុស្ស៤នាក់ជាប់ពន្ធនាគាររយៈពេល១៥ថ្ងៃ សម្រាប់ការរំខានលើទីលានក្នុងវគ្គផ្ដាច់ព្រ័ត្រព្រឹត្តិការណ៍ World Cup ក្នុងទីក្រុង Moscow កាលពីថ្ងៃទី ១៥ ខែ កក្កដានេះកន្លងទៅ។
មនុស្សទាំង៤នាក់នោះគឺជាក្រុមតន្ត្រីរ៉ុកនារីក្នុងប្រទេសរុស្សីមានឈ្មោះថា Pussy Riot។ ការបង្កសកម្មភាពអុកឡុកកើតឡើងនៅវគ្គទីពីរនៃការប្រកួតបារាំងយកឈ្នះក្រូអាត ៤-២។ គេឃើញក្រុមដែលរត់ចូលម្នាក់សំដៅទៅកាន់ Kylian Mbappe ខណៈអ្នកផ្សេងរត់ចូលរំខានពេញទីលាន។
Pussy Riot គឺជាក្រុមរិះគន់យ៉ាងម៉ឺងម៉ាត់ចំពោះលោកប្រធានាធិបតី Vladimir Putin ដែលអំពាវនាវឱ្យមានកំណែទម្រង់យុត្តិធម៌ អប់រំនិងវប្បធម៌នៅក្នុងប្រទេស។ សមាជិករបស់ Pussy Riot ដែលត្រូវចាប់ខ្លួនមាន Veronica Nikulshina, Olga Kurachova, Pyotr Verzilov និង Olga Pakhtusova។ ពួកគេក៏ប្រឈមមុខមិនឲ្យពាក់ព័ន្ធនឹងកម្មវិធីកីឡាកររយៈពេល៣ឆ្នាំផងដែរ៕