លីគកំពូលកម្ពុជា៖ គូពិសេស២គូ ត្រូវលើកពេល ដោយសារហេតុផលនេះ
- 2018-07-18 03:56:40
- ចំនួនមតិ 0 | ចំនួនចែករំលែក 0
លីគកំពូលកម្ពុជា៖ គូពិសេស២គូ ត្រូវលើកពេល ដោយសារហេតុផលនេះ
ចន្លោះមិនឃើញ
គណៈកម្មការប្រកួតបាល់ទាត់ជាតិកម្ពុជា (CNCC) បានប្រកាសលើកការប្រកួតលីគកំពូលកម្ពុជា២ប្រកួតគឺណាហ្គាវើលប៉ះភ្នំពេញក្រោន នៅថ្ងៃទី២១ខែកក្កដា និងការពារជាតិប៉ះក្រុមបឹងកេតថ្ងៃទី៥ខែសីហា។
ការប្រកួតគូពិសេសទាំងពីរនេះ នឹងត្រូវប្ដូរពីកាលបរិច្ឆេទខាងលើនេះ ទៅប្រកួតនៅស្តាតចាស់នាថ្ងៃទី២៧ខែនេះ ដោយ ណាហ្គាវើល ប៉ះ ភ្នំពេញក្រោន ម៉ោង៣រសៀល រួចបន្ត ការពារជាតិ ប្រកួត បឹងកេត ម៉ោង៦ល្ងាច។ មូលហេតុនៃការលើកនេះ គឺដោយសារតែក្រុមណាហ្គាវើល មានភារកិច្ចចូលរួមកម្មវិធីបាល់ទាត់ជាមួយយុវជនខេត្តកំពង់ស្ពឺ ខណៈបឹងកេតត្រូវប្រកួតមិត្តភាពជាមួយក្រុមជម្រើសលីគជប៉ុនJapan Football League ។
ក្រៅពី ពីរគូខាងលើនេះទៅ ការប្រកួតក្នុងលីគកំពូលកម្ពុជាទាំងអស់ នឹងដំណើរការលេងបានធម្មតាវិញ តាមកាលវិភាគចាស់៕