កីឡាករឆ្នើម Real ម្នាក់ ហៅ Mbappe ថាជាមនុស្សភពក្រៅ

2018-07-18 12:01:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារ Raphael Varane ក្នុងថ្ងៃនេះ បានហៅ ខ្សែប្រយុទ្ធវ័យក្មេង Kylian Mbappe ថាជា "មនុស្សភពក្រៅដែលមានវ័យក្មេង"។

កីឡាករបានប្រាប់សារព័ត៌មានបារាំង L'Equipe ថា៖ "ខ្ញុំស្គាល់មនុស្សភពក្រៅមួយចំនួន។ នេះជាលើកទីមួយហើយ ដែលខ្ញុំបានជួបជាមួយមនុស្សភពក្រៅដែលមានវ័យក្មេង"។

Varane បានបន្ត៖ "ជាធម្មតា ខ្ញុំបានជួបមនុស្សភពក្រៅ នៅពេលពួកគេមានអាយុ ២៥ ឬ ៣០ឆ្នាំ។ នៅក្នុង World Cup ខ្ញុំបានជួបមនុស្សភពក្រៅម្នាក់ដែលមានអាយុក្រោម ២០ឆ្នាំ។ នៅពេលបានលេងជាមួយ Mbappe អ្វីៗទៅលឿនណាស់។ នៅពេលខ្ញុំនិយាយអំពីក្បួនបច្ចេកទេសក្នុងក្រុមជាមួយគេ ខ្ញុំនិយាយមិនទាន់ចប់ផង គេយល់បាត់ទៅហើយ"។

កីឡាករបារាំង Varane មិនបានបកស្រាយច្រើនទេ ម៉េចបានហៅ Mbappe ថាជាមនុស្សភពក្រៅ។ ទោះជាយ៉ាងណា ក្នុងបាល់ទាត់ ពាក្យថា "មនុស្សភពក្រៅ" ច្រើនត្រូវបានប្រើប្រាស់ដើម្បីសំដៅទៅលើកីឡាករដែលបានបង្ហាញទម្រង់លេងបានយ៉ាងល្អ។

សូមបញ្ជាក់ផងដែរថា Mbappe បានបង្ហាញទម្រង់លេងបានយ៉ាងល្អ ក្នុងប្រកួតភាគច្រើននៅ World Cup លើកនេះ។ កីឡាករបានស៊ុតចូល ៤ គ្រាប់ និងបានរួមចំណែកមួយយ៉ាងសំខាន់ក្នុងការជួយក្រុមជម្រើសជាតិបារាំងឲ្យបានឈ្នះពានកម្មវិធីមួយនេះ ជាលើកទី ២ ក្នុងប្រវត្តិសាស្ត្រខ្លួន៕

ប្រភព៖ Four Four Two ប្រែសម្រួល៖ ហ៊ីម រស្មី