Michael Fangki បោះពាក្យដាក់ ចាន់ សំអាត ថា នឹងខកចិត្តល្ងាចនេះនៅសិង្ហបុរី
- 2018-07-19 02:54:57
- ចំនួនមតិ 0 | ចំនួនចែករំលែក 0
Michael Fangki បោះពាក្យដាក់ ចាន់ សំអាត ថា នឹងខកចិត្តល្ងាចនេះនៅសិង្ហបុរី
ចន្លោះមិនឃើញ
អ្នកលេងគុនចម្រុះរបស់កម្ពុជា ចាន់ សំអាត នឹងត្រូវតតាំងជាមួយជើងខ្លាំងមកពីប្រទេសហ្វីលីពីន ល្ងាចនេះក្នុងកម្មវិធី One Warrior Series ដែលរៀបចំដោយ One Championship។
លោក ហ៊ុន ច័ន្ទរាជ្យ បានឲ្យដឹងថា ល្ងាចនេះកូនសិស្សរបស់លោក ចាន់ សំអាត នឹងត្រូវប៉ះអ្នកប្រដាល់មកពីប្រទេសហ្វីលីពីន Michael Fangki។ ដៃគូរបស់ សំអាត ជាកីឡាករល្អម្នាក់ដែលស៊ូ និងល្អចូលចាប់ផងដែរ។
គ្រូ MMA រូបនេះបន្ថែមថា ទោះដៃគូល្អយ៉ាងនេះក្ដី ប៉ុន្តែក៏ពិបាកនឹងចូលចាប់អ្នកប្រដាល់កម្ពុជាផងដែរ ព្រោះ សំអាត ក៏ល្អការពារ។ សម្រាប់ការប្រកួតមួយនេះ លោកសង្ឃឹមត្រឹម ៥០%។ ចំណែកស្នៀតនៃការប្រកួតនេះ លោកនឹងប្រាប់ឲ្យកូនសិស្សការពារការចូលចាប់ឲ្យល្អ និងព្យាយាមឈរវ៉ៃតតាំងវិញជាឱកាសឈ្នះបានច្រើន។
អតីតអ្នកប្រដាល់ MMA នៅអាមេរិកខាងលើនេះប្រាប់ទៀតថា មុនការប្រកួតល្ងាចនេះដែរ ដៃគូរបស់ សំអាត បានបោះពាក្យថា កីឡាករកម្ពុជានឹងចាញ់នាប្រកួតមួយនេះ។ ប៉ុន្តែគ្រូរបស់កម្ពុជារូបនេះ នឹងប្រាប់ សំអាត ឲ្យខំប្រឹងខ្លាំងបំផុតដើម្បីយកឈ្នះបង្ហាញទៅ Michael Fangki វិញថា គិតខុសហើយ។
កីឡាករ ចាន់ សំអាត នឹងត្រូវប្រកួតក្នុងកម្មវិធី One Warrior Series នៅឯប្រទេសសិង្ហបុរី វេលាម៉ោង៦ល្ងាចតទៅ ហើយត្រូវជួបអ្នកប្រដាល់ហ្វីលីពីន Michael Fangki ពួកគេប្រកួតលក្ខណៈគុនចម្រុះ(MMA)៕