ដំណឹងបន្ទាន់! អាជ្ញាធរ ឱ្យឡានតូចៗ បើកតាមផ្លូវជាតិលេខ៤ វិញ ក្រោយទឹកជំនន់ហូរកាត់ផ្លូវ
- 2018-07-19 04:30:00
- ចំនួនមតិ 0 | ចំនួនចែករំលែក 0
ដំណឹងបន្ទាន់! អាជ្ញាធរ ឱ្យឡានតូចៗ បើកតាមផ្លូវជាតិលេខ៤ វិញ ក្រោយទឹកជំនន់ហូរកាត់ផ្លូវ
ចន្លោះមិនឃើញ
ព័ត៌មានពីទំព័រហ្វេសប៊ុក របស់ក្រសួងធនធានទឹក និងឧតុនិយម បានចុះផ្សាយថា ស្ថានភាពទឹកជំនន់នៅតាមផ្លូវជាតិលេខ៤ ត្រង់ចំណុចស្ពានសំរោង បានស្រក ដូច្នេះប្រជាពលរដ្ឋអាចធ្វើចរាចរឡើងវិញ សម្រាប់រថយន្តតូចៗ ក្រោយមានទឹកហូរកាត់ផ្លូវជាតិលេខ៤ បានកើតមានខ្លាំងឡើង កាលពីព្រឹកថ្ងៃទី១៧ ខែកក្កដា ឆ្នាំ២០១៨នេះ។
ព័ត៌មានចុងក្រោយ បន្ទាប់ពីទឹកបានស្រកផុតស្ពាន និងផ្លូវជាតិទាំងស្រុងហើយ គិតតាំងពីម៉ោង ១០ ព្រឹកថ្ងៃទី ១៩ ខែកក្កដា ឆ្នាំ២០១៨នេះ អាជ្ញាធរ បានអនុញ្ញាតឱ្យរថយន្តតូចៗ ធ្វើចរាចរឡើងវិញ។
អ្នកនាំពាក្យក្រសួងធនធានទឹក និងឧតុនិយម ឯកឧត្ដម ចាន់ យុត្ថា ធ្លាប់បានប្រាប់ Sabay ថាមូលហេតុបង្កឲ្យមានជំនន់កាត់តាមផ្លូវជាតិលេខ៤យ៉ាងគំហុកនេះ ដោយសារទឹកកំពុងហូរធ្លាក់ពីភ្នំឱរ៉ាល់ ដែលជាភ្នំមួយស្ថិតនៅតំបន់ជួរភ្នំក្រវាញ មានព្រំប្រទល់ជាប់នឹងខេត្តកំពង់ស្ពឺ ពោធិ៍សាត់ កំពង់ឆ្នាំង។
សូមរំលឹកថា ដើម្បីសុវត្ថិភាពអ្នកដំណើរ អាជ្ញាធរបានសម្រេចបិទផ្លូវត្រង់ចំណុចដែលមាន ទឹកជំនន់នៅផ្លូវជាតិលេខ ៤ ត្រង់ចំណុចស្ពានសំរោង (គម ១១៦) មានប្រវែងប្រហែល ១០០ម៉ែត្រ ត្រង់ចំណុច ភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ កាលពីព្រឹកថ្ងៃទី១៧ ខែកក្កដា ឆ្នាំ២០១៨ និងបើកចរាចរវិញ សម្រាប់រថយន្តតូចៗ នៅព្រឹកថ្ងៃទី ១៩ ខែកក្កដា ឆ្នាំ២០១៨នេះ។
រូបភាព៖ ក្រសួងធនធានទឹក និងឧតុនិយម