ក្រោយផ្តួលរៀមច្បងវ៉ាន់សាក់ទឹកទី២ លិញ ភារម្យ ប្រាថ្នាលើកទី២ ក្នុងអាជីព

2018-07-19 09:00:03
ចំនួនមតិ 0 | ចំនួនចែករំលែក 0

ចន្លោះមិនឃើញ

លិញ ភរម្យ ប៉ងចង់បានពានរង្វាន់ជាលើកទី២ ក្នុងអាជីពប្រដាល់ថ្មីរបស់ខ្លួន បន្ទាប់ពីបានផ្តួលសិស្សច្បង ប៉ូ វ៉ាន់សាក់ ឲ្យសន្លប់កាលពីថ្ងៃសៅរ៍សប្ដាហ៍មុននេះ។

កីឡាករ លិញ ភារម្យ

លិញ ភារម្យ បានឲ្យដឹងថា សម្រាប់ជំនួបចាញ់ធ្លាក់នៃពានរង្វាន់ TV5 កាលពីសប្ដាហ៍មុននេះ ក្នុងទឹកទី១ ហាក់លំបាកបន្តិចដោយសារប៉ះ អតីតជើងខ្លាំង និងមានបទពិសោធច្រើនដែលមានផ្លែធ្ងន់ល្អ។ ប៉ុន្តែចូលដល់ទឹក២ មិនជាលំបាកសម្រាប់រូបគេឡើយ ដោយសារ ប៉ូ វ៉ាន់សាក់ ដែលជាដៃគូនោះ ចាញ់កម្លាំង ព្រោះវ័យច្រើនទៅហើយ ដូច្នេះក៏អាចផ្ដួលបានត្រឹមទឹកទី២។

កីឡាករ លិញ ភារម្យ(ក្រហម)

កូនសិស្សលោក នួន ភារម្យ បន្ថែមថា រូបគេធ្លាប់ឈ្នះពានរង្វាន់នៅសង្វៀនអាស៊ីអាគ្នេយ៍ម្ដងហើយ កាលពីពេលថ្មីៗនេះលើទម្ងន់៦០គីឡូក្រាម។ អ្នកប្រដាល់ល្អដៃរូបនេះបានយកឈ្នះកីឡាករច្រើននាក់មកហើយក្នុងចំណោមកីឡាករទម្ងន់៦០គីឡូក្រាម។ យ៉ាងណា រូបគេញញើតរៀមច្បង វៀត ប៊ុនឌឿន ម្នាក់ប៉ុណ្ណោះ។ ការចូលរួមប្រកួតពានរង្វាន់លើកទី២នេះ រូបគេជឿជាក់លើសមត្ថភាពខ្លួនដែលខិតខំប្រឹងប្រែងហ្វឹកហាត់ និងរំពឹងដល់ទៅ៨០%ដែលអាចជោគជ័យលើពានរង្វាន់លើកទី២នេះ។

លិញ ភារម្យ ពេលឈ្នះ ប៉ូ វ៉ាន់សាក់

លិញ ភារម្យ ដែលជាកូនសិស្សលោក នួន ភារម្យ ជាម្ចាស់ពានរង្វាន់នៅសង្វៀនអាស៊ីអាគ្នេយ៍។ បច្ចុប្បន្ននេះគេឡើងទៅវគ្គ១៦នាក់ចុងក្រោយទៀតហើយ នៃពានរង្វាន់សង្វៀន TV5 ក្រោយផ្ដួលជើងចាស់ ប៉ូ វ៉ាន់សាក់ ឲ្យសន្លប់នៅទឹកទី២ កាលពីថ្ងៃសៅរ៍ ទី១៤ ខែកក្កដា ២០១៨៕