មន្ទីរសាធារណការចេញសេចក្ដីជូនដំណឹងបន្ទាន់ សម្រាប់ពលរដ្ឋប្រើប្រាស់ផ្លូវមួយចំនួននៅខេត្តកំពត

2018-07-19 14:17:33
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ទីរសាធារណការ និងដឹកជញ្ជូនខេត្តកំពត ក្នុងថ្ងៃនេះ បានចេញសេចក្ដីជូនដំណឹងមួយរៀបរាប់អំពីមូលហេតុនៃបណ្ដាញផ្លូវមួយចំនួននៅភូមិសាស្ត្រខេត្តកំពតរងការខូចខាត និងអំពាវនាវពលរដ្ឋដែលប្រើប្រាស់ផ្លូវទាំងនេះឲ្យ មានការយោគយល់ និងអធ្យាស្រ័យ។

មន្ទីរបានលើកឡើងថា ដោយមានភ្លៀងធ្លាក់ជោកជាំនៅរយៈពេល ២ ថ្ងៃកន្លងទៅ នៅក្នុងទឹកដីខេត្តកំពត ហើយក្នុងរយៈពេលនោះ មានរថយន្តធំៗជាច្រើនបានបង្វែរចរាចរណ៍ពីផ្លូវជាតិលេខ ៤ មកកាត់តាមខេត្តមួយនេះ ធ្វើឲ្យផ្លូវមួយចំនួនដូចជា ផ្លូវជាតិលេខ ៣, ផ្លូវជាតិលេខ ៣១, ផ្លូវជាតិលេខ ៣៣ និង ផ្លូវជាតិលេខ៤១ រងការខូចខាតខ្លាំង។

អាស្រ័យហេតុនេះ មន្ទីរស្នើឲ្យប្រជាពលរដ្ឋដែលប្រើប្រាស់បណ្ដាផ្លូវរៀបរាប់ខាងលើ មេត្តាយោគយល់ និងអធ្យាស្រ័យ។

មន្ទីរក៏បានបញ្ជាក់ដែរថា នឹងមកជួសជុលផ្លូវទាំងនោះភ្លាម ក្រោយអាកាសធាតុប្រសើរឡើងវិញ។

ខាងក្រោមជាសេចក្ដីជូនដំណឹងរបស់មន្ទីរសាធារណការ និងដឹកជញ្ជូនខេត្តកំពតដែលមានខ្លឹមសារទាំងស្រុងដូចតទៅ៖៕