បឹងកេត រកបានទីតាំងធ្វើទីលានផ្ទាល់ខ្លួនហើយ

2018-07-20 07:05:57
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកស្រី ពុធ ធីតា ប្រធានក្លឹបបឹងកេតបានទម្លាយទីតាំងពីរកន្លែង ក្នុងការត្រៀមធ្វើទីលានផ្ទាល់ខ្លួនក្នុងពេលឆាប់ៗនេះ សម្រាប់ប្រើប្រាស់ក្នុងការចូលរួមប្រកួតលីគកំពូលកម្ពុជា និង Hun Sen Cup។

លោកស្រី ពុធ ធីតា (ស្ដាំ)

ប្រធានក្លឹបរូបនេះបានឲ្យដឹងថា បឹងកេតគ្រោងសាងសង់ទីលានពីរកន្លែងគឺនៅភ្នំពេញ ជាទីលានសម្រាប់ធ្វើការហ្វឹកហាត់ ដោយសាងសង់ជាលក្ខណៈ Futsal និងទីលានសម្រាប់ប្រកួតគឺធ្វើនៅខេត្តកំពង់ចាម។ សម្រាប់ការចរចាជាមួយម្ចាស់ដីនៅកំពង់ចាមគឺសម្រេចថា នឹងយកហើយ ប៉ុន្តែមិនទាន់សម្រេចថា ចាប់ផ្ដើមសាងសង់នៅពេលណា ពីព្រោះមានចំណុចខ្លះមិនទាន់រួចរាល់ទាំងស្រុង។

លោកស្រីបន្ថែមថា ទីលាន Futsal នៅភ្នំពេញ នឹងចាប់ផ្ដើមសាងសង់ក្នុងរយៈពេលឆាប់ៗនេះ។ បឹងកេតជាក្រុមខ្លាំង ដែលកំពុងស្ថិតនៅកំពូលតារាងលីគកំពូលកម្ពុជា ដោយមិនទាន់ចាញ់សូម្បីមួយប្រកួតក្នុងចំណោម ១៤ ប្រកួតឈ្នះ ១១ ស្មើ ៣ មាន ៣៦ ពិន្ទុ៕