Shawn Mendes បង្ហាញអារម្មណ៍ពិត ខណៈពេល Hailey ជិតចូលរោងការ
- 2018-07-20 07:40:00
- ចំនួនមតិ 0 | ចំនួនចែករំលែក 0
Shawn Mendes បង្ហាញអារម្មណ៍ពិត ខណៈពេល Hailey ជិតចូលរោងការ
ចន្លោះមិនឃើញ
អស់រយៈប៉ុន្មានឆ្នាំកន្លងទៅ តារាចម្រៀងរូបសង្ហា Shawn Mendes ត្រូវគេសង្ស័យថាបានទាក់ទងជាមួយតារាម៉ូដែល Hailey Baldwin បន្ទាប់ពីត្រូវគេប្រទះឃើញចំណាយពេលស្និទ្ធស្នាលជាមួយគ្នាជាញឹកញាប់។ នៅក្នុងកិច្ចសម្ភាសន៍មួយពីប៉ុស្តិ៍ទូរទស្សន៍ អូស្ត្រាលី ម្ចាស់បទ "Treat You Better” និយាយថាលោកពិតជាសប្បាយចិត្ត បន្ទាប់ពីបានដឹងថា Hailey បានភ្ជាប់ពាក្យជាមួយ Justin Bieber។
មិនត្រឹមតែប៉ុណ្ណោះលោក ក៏បានផ្ញើសារទៅកាន់ តារាម៉ូដែល ក្រោយដឹងដំណឹងថានាងបានភ្ជាប់ពាក្យដើម្បីសាកសួរសុខទុក្ខផងដែរ។ Shawn បានបញ្ជាក់យ៉ាងច្បាស់ថា ខ្លួនមិនមានជម្លោះអ្វីជាមួយ Justin ជុំវិញរឿងនេះទេ។ លោកបញ្ជាក់ថា "មនុស្សគ្រប់គ្នាសុទ្ធតែចង់ឲ្យមានរឿងកើតឡើងរវាងយើងទាំងពីរ ដើម្បីទទួលបានផលប្រយោជន៍ ប៉ុន្តែតាមពិតវាគ្មានអ្វីកើតឡើងនោះទេ"។
ទោះបីជាបញ្ជាក់ច្បាស់ៗថា ពួកគេគ្រាន់តែជាមិត្តភ័ក្ដិក៏ដោយ Hailey ត្រូវគេកត់សម្គាល់ថាបានលុបចោលរូបថតរបស់នាងនិង Shawn Mendes នៅលើបណ្ដាញសង្គម Instagram គ្មានសល់ ខណៈពេលដែល Shawn នៅតែមានរូបនាងនៅលើ Instagram របស់ខ្លួន។
បើតាមសារព័ត៌មាន HollywoodLife បានឲ្យដឹងថា Shawn ពិតជាភ្ញាក់ផ្អើលខ្លាំងនឹងព័ត៌មាន ដែល Hailey បានភ្ជាប់ពាក្យលឿនៗបែបនេះ។ លោកមិនបានទទួលដំណឹងឬកំណត់សម្គាល់អ្វីសោះពី Hailey។ ប្រភពនោះក៏បានបញ្ជាក់ថា "Shawn មិនបានខឹងសម្បារអ្វីទេ លោកពិតជាគោរពនិង សប្បាយចិត្តចំពោះការសម្រេចចិត្តរបស់ Hailey”៕