ចិនចុះហត្ថលេខាទិញរថភ្លើងល្បឿនលឿនបំផុតក្នុងពិភពលោក
- 2018-07-22 03:55:16
- ចំនួនមតិ 0 | ចំនួនចែករំលែក 0
ចិនចុះហត្ថលេខាទិញរថភ្លើងល្បឿនលឿនបំផុតក្នុងពិភពលោក
ចន្លោះមិនឃើញ
ទីក្រុង Tongren ក្នុងខេត្ត Guizhou បានក្លាយជាទីក្រុងដំបូងគេបង្អស់ក្នុងប្រទេសចិន ដែលបានចុះហត្ថលេខាលើកិច្ចព្រមព្រៀងមួយជាមួយក្រុមហ៊ុន Hyperloop Transportation Technologies របស់អាមេរិក។
កិច្ចព្រមព្រៀងរវាងភាគីទាំងពីរ ធ្វើឡើងដើម្បីសាងសង់ផ្លូវសាកល្បងប្រវែង ១០គីឡូម៉ែត្រសម្រាប់រថភ្លើងល្បឿនលឿនបំផុត។ ដំបូងឡើយ រថភ្លើងនេះត្រូវបានផ្ដួចផ្ដើមគំនិតដោយលោក Elon Musk កាលពីឆ្នាំ ២០១៣ ហើយត្រូវគេជឿថាជារថភ្លើងនាពេលអនាគត។ លើសពីនេះទៀត វាមានសមត្ថភាពដឹកជញ្ជូនអ្នកដំណើរ និងទំនិញ ក្នុងល្បឿនរហូតដល់ ១ ០០០ គីឡូម៉ែត្រក្នុងមួយម៉ោងតាមរយៈបំពង់ដែលមានសម្ពាធទាប និងស្ទើរតែគ្មានការកកិត។
គួរឲ្យដឹងថា ក្រុមហ៊ុន HTT ក៏បានចុះហត្ថលេខាព្រមព្រៀងជាមួយទីក្រុង Abu Dhabi និង អ៊ុយក្រែនផងដែរ កាលពីដើមឆ្នាំ ២០១៨ ហើយផ្លូវរថភ្លើងដំបូងគេបង្អស់ បានចាប់ផ្ដើមសាងសង់កាលពីខែមេសាកន្លងទៅ ក្នុងទីក្រុង Toulouse ប្រទេស បារាំង៕
ចុចអាន ៖
រៀនពីរបៀបបង្កើនទំនុកចិត្ត បុគ្គលិកក្រុមហ៊ុនចិនមួយតម្រូវឲ្យញ៉ាំអាហារយកចេញពីចានបង្គន់
ថ្មីចែស! ចិន នាំគ្នាប្រកួតកាច់មេជើង ឯអ្នកឈ្នះបានរង្វាន់ទៀត (មានវីដេអូ)
ទីកន្លែងទំនេរសម្រាប់ចតរថយន្ត១គ្រឿង នៅហុងកុង លក់ក្នុងតម្លៃជិត៨០ម៉ឺនដុល្លារ