និស្សិតមួយក្រុមបង្កើតកម្មវិធី Cosplay និងសម្ដែងរឿងល្បីៗរបស់ហូលីវូដ រកប្រាក់ជួយកុមារកំព្រា

2018-07-23 08:30:48
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតផ្នែកទំនាក់ទំនងនិងប្រព័ន្ធផ្សព្វផ្សាយនៃសាកលវិទ្យាល័យបញ្ញាសាស្ត្រ ២ ថ្នាក់ នឹងត្រៀមខ្លួនបង្ហាញឈុត Cosplay និងសម្ដែ រឿងល្បីៗរបស់ Hollywood ដើម្បីរៃអង្គាសថវិការសម្រាប់ឧបត្ថម្ភដល់កុមារកំព្រាក្នុងអង្គការមួយកន្លែង នាថ្ងៃទី ៤ ខែ សីហា ឆ្នាំ ២០១៨ នេះ។

រូបតំណាង

កម្មវិធីនេះក៏ប្រារព្ធធ្វើឡើងក្នុងគោលបំណងចង់បង្កើតកម្មវិធីបង្រួបបង្រួមនិស្សិត និងសាធារណជនតាមរយៈការសម្ដែងមួយឈ្មោះថា Cosplay ដោយយកឈុត និងសាច់រឿងសម្ដែងផ្ទាល់ បង្កើតដោយក្រុមនិស្សិតខាងលើ មកសម្ដែងទស្សនាកម្សាន្ត ដោយគ្រាន់តែចំណាយថវិការផ្ទាល់ខ្លួនទិញសំបុត្រចូលរួមម្នាក់ ១ ដុល្លារតែប៉ុណ្ណោះ។ ក្រោយពីបញ្ជប់កម្មវិធី ថវិការដែលទទួលបានពីការជាវសំបុត្រ និងសប្បុរសធម៌នឹងផ្ទល់ជូនទៅអង្គការ វិចិត្រករខ្មែរដើម្បីកុមារ (The Khmer Artist for Children Organization) ដែលបានផ្តល់ការហ្វឹកហ្វឺនផ្នែកសិល្បៈរូបភាពដល់កុមារដែលជាជនរងគ្រោះដោយសារការជួញដូរមនុស្ស និងការរំលោភបំពាន។

រូបតំណាង

ការចូលរួមក្នុងកម្មវិធី និស្សិតផ្នែកទំនាក់ទំនង និងប្រព័ន្ធផ្សព្វផ្សាយទាំងអស់ តម្រូវឲ្យស្លៀកពាក់ត្រាប់តាមតួអង្គនានា ដែលពួកគេពេញចិត្ត ដោយមានដូចជា រឿង STAR WARS រឿង WALKING DEAD រឿង FROZEN រឿងAVENGERS រឿង ANIME រឿង JUSTICE LEAGUE រឿង POKEMON និងតួអង្គរបស់ MR. BEAN ជាដើម។ តំណាង និស្សិតផ្នែកទំនាក់ទំនង និងប្រព័ន្ធផ្សព្វផ្សាយម្នាក់ពីសាលកវិទ្យាល័យបញ្ញាសាស្រ្ត បានប្រាប់ឱ្យដឹងដែរថា ការចំណាយនានាក្នុងការបង្កើតកម្មវិធី និងសម្លៀកបំពាក់ ច្នៃប្រឌិត ជា Cosplay ជាការចំណាយទាំងស្រុងរបស់និស្សិត ហើយពួកគេសង្ឃឹមថាសាធារណៈជននឹងចូលរួមកម្សាន្ត ហើយគាំទ្រការបង្កើតកម្មវិធី Cosplay Charity Event នេះឱ្យបានច្រើនកុះករ៕