ស្មាតហ្វូនកំពូល ៤ ឈុត ដែលគេទន្ទឹងរង់ចាំខ្លាំងបំផុត នៅអំឡុងចុងឆ្នាំ ២០១៨
- 2018-07-23 23:20:00
- ចំនួនមតិ 0 | ចំនួនចែករំលែក 0
ស្មាតហ្វូនកំពូល ៤ ឈុត ដែលគេទន្ទឹងរង់ចាំខ្លាំងបំផុត នៅអំឡុងចុងឆ្នាំ ២០១៨
ចន្លោះមិនឃើញ
នៅក្នុងរយៈពេលប៉ុន្មានខែខាងមុខទៀតនេះ ពោលមុនដំណាច់ឆ្នាំ ២០១៨ ស្មាតហ្វូនកំពូលៗជាច្រើនម៉ូដែលនឹងបង្ហាញមុខ ដើម្បីប្រកួតប្រជែងដណ្ដើមទីផ្សារដ៏ធំមួយនេះ។ ខាងក្រោមនេះជាស្មាតហ្វូនកំពូលៗដែលត្រៀមនឹងប្រកាសចេញ ៖
១. Galaxy Note9
ដំណឹងច្បាស់ៗពី Samsung បានឲ្យដឹងថា Galaxy Note9 នឹងត្រូវបង្ហាញខ្លួនជាផ្លូវការនៅថ្ងៃទី ៩ ខែសីហាខាងមុខនេះ។ Galaxy Note9 ត្រូវបានគេរំពឹងថាមានរូបរាងដូចនឹង Galaxy Note8 ស្ទើរបេះដាក់។ បន្ថែមពីនេះ មានដំណឹងទើបលេចចេញថ្មីៗនេះថា Galaxy Note9 នឹងបំពាក់ថ្មទំហំធំដល់ ៤០០០ mAh ឯណោះ។
២. iPhone ថ្មីបីម៉ូដែល
នៅដើមខែកញ្ញាគេរំពឹងថា Apple នឹងប្រកាសចេញ iPhone ជំនាន់ថ្មីដល់ទៅបីម៉ូដែល ដែលក្នុងនោះមាន iPhone ប្រើអេក្រង់ LCD ចំនួនមួយមានតម្លៃធូរថ្លៃ និង iPhone ប្រើអេក្រង់ OLED ចំនួនពីរម៉ូដែល។ iPhone ទាំងបីនេះ ជឿជាក់ថាមានរចនាបថក្បាលឆកដូចជា iPhone X ខុសគ្នាត្រង់ទំហំអេក្រង់។
៣. Google Pixel 3
ជារៀងរាល់ឆ្នាំ Google តែងប្រកាសចេញស្មាតហ្វូនថ្មីម៉ូដែល Pixel និង Pixel XL នៅអំឡុងខែតុលា ពោលក្រោយពីការប្រកាសចេញ iPhone ជំនាន់ថ្មី។ ដំណឹងលេចធ្លាយកន្លងមកពី Google Pixel 3 និង Pixel 3 XL មានដូចជាការប្រើរចនាបថអេក្រង់ឆកលើម៉ូដែល XL, ម៉ូដែលធម្មតានៅតែមានអេក្រង់ពេញផ្ទៃ, អាចបញ្ជាមុខងារដោយច្របាច់លើផ្នែកណាមួយ និង បន្តប្រើប្រាស់កាមេរ៉ាតែមួយគ្រាប់ប៉ុណ្ណោះ។
៤. Huawei Mate 20
នៅចុងឆ្នាំ Huawei ក៏នឹងត្រៀមស្មាតហ្វូនកំពូលមួយទៀតរបស់ខ្លួន គឺត្រកូល Huawei Mate 20 ដោយអាចនឹងបង្ហាញចេញអំឡុងខែតុលា ឬ វិច្ឆិកា។ លក្ខណៈសម្បត្តិរបស់ Mate 20 នៅមិនទាន់មានការលេចធ្លាយនៅឡើយទេ ប៉ុន្តែគេរំពឹងថា Mate 20 Pro អាចនឹងមានកាមេរ៉ាខាងក្រោយ ៣ គ្រាប់ដូចជា P20 Pro ដែរ៕