ហាងនៅអាមេរិកកំពុងស្នើច្នៃចិញ្ចៀនសម្រាប់ក្រុមជម្រើសជាតិបារាំង ហើយកំពុងទាក់ចិត្ត Griezmann ខ្លាំង
- 2018-07-23 13:38:26
- ចំនួនមតិ 0 | ចំនួនចែករំលែក 0
ហាងនៅអាមេរិកកំពុងស្នើច្នៃចិញ្ចៀនសម្រាប់ក្រុមជម្រើសជាតិបារាំង ហើយកំពុងទាក់ចិត្ត Griezmann ខ្លាំង
ចន្លោះមិនឃើញ
ហាងអលង្ការដែលមានមូលដ្ឋាននៅរដ្ឋ Los Angeles ឈ្មោះ "Jason Beverly Hills” បានស្នើសហព័ន្ធបាល់ទាត់បារាំង ដើម្បីធ្វើចិញ្ចៀនសម្រាប់ក្រុមកីឡាករជម្រើសជាតិមួយនេះ ដែលទើបឈ្នះ World Cup កាលពីពេលថ្មីៗនេះ។
ចិញ្ចៀននោះ មើលទៅមានទំហំធំ ហើយដាំពេជ្រ ដោយមានសរសេរថា "ជើងឯកពិភពលោក" (World Champions) ហើយមានស្លាកសហព័ន្ធបាល់ទាត់ និងទង់ជាតិបារាំងនៅចំកណ្ដាល។
គិតមកទល់ពេលនេះ មិនទាន់មានរបាយការណ៍ណាចុះផ្សាយ អំពីសេចក្ដីសម្រេចចិត្តរបស់សហព័ន្ធបាល់ទាត់បារាំង ទាក់ទងនឹងសំណើរបស់ Jason Beverly Hills នៅឡើយទេ។
ទោះជាយ៉ាងណា មានកីឡាករល្បីបារាំងម្នាក់ ហាក់ត្រូវបានទាក់ចិត្តនឹងចិញ្ចៀននេះ។ កីឡាករនោះ គឺ Antoine Griezmann។ កាលពីម្សិលមិញ ខ្សែប្រយុទ្ធបានបង្ហោះរូបចិញ្ចៀនក្នុង Story នៃគណនីផ្លូវការ Instagram របស់ខ្លួន ដោយសរសេរបែបច្រៀងតាមលំនាំបទ Big Ringsរបស់អ្នកចម្រៀង Drakeថា៖ "ខ្ញុំមានក្រុមមួយធំ ហើយពួកគេត្រូវការចិញ្ចៀនធំ"។
កាលពីវគ្គផ្ដាច់ព្រ័ត្រ World Cup បារាំងបានយកឈ្នះ ៤-២ លើក្រុមជម្រើសជាតិក្រូអាត ហើយលើកពានកម្មវិធីនេះជាលើកទី ២ ក្នុងប្រវត្តិសាស្ត្រខ្លួន៕