លេចរឿងភ្ញាក់ផ្អើល ក្រោយ Ronaldo ពិនិត្យសុខភាពនៅ Juventus

2018-07-24 06:51:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការពិនិត្យសុខភាពរបស់ Cristiano Ronaldo នៅក្លឹប Juventus បង្ហាញថា គេមានភាពរឹងមាំដូចកីឡាករបាល់ទាត់អាជីពវ័យ២០ឆ្នាំអញ្ចឹង ត្បិតអាយុឈានដល់៣៣ឆ្នាំក៏ដោយ។

Ronaldo បានសម្រេចប្ដូរទ្រនំទៅកាន់ Juventus ក្នុងតម្លៃខ្លួន១០០លានអឺរ៉ូ បន្ទាប់ពីជោគជ័យនៅ Real Madrid អស់រយៈពេល៩ឆ្នាំ។ នាពេលកន្លងទៅមានការបញ្ជាក់ថា Ronaldo មានកាយសម្បទារឹងមាំដូចមនុស្សប្រុសវ័យ២៣ឆ្នាំ មានន័យថា គេអាចបន្តអាជីពដល់៤ឆ្នាំទៅមុខទៀត។

តែចុងក្រោយ បន្ទាប់ពីពិនិត្យសុខភាពក្នុងទីក្រុង Turin ប្រទេសអ៊ីតាលីបង្ហាញថា កីឡាករសញ្ជាតិព័រទុយហ្គាល់មានកាយសម្បទាកាន់តែរឹងមាំដូចមនុស្សវ័យ២០ឆ្នាំ។ តាមការពិនិត្យ Ronaldo មានជាតិខ្លាញ់ក្នុងខ្លួនតែ៧%ប៉ុណ្ណោះ ខណៈមធ្យមភាគកីឡាករអាជីពទូទៅមានរវាង១០%ទៅ១១%។

ជាការពិតមើលពីសំបកខាងក្រៅម្ចាស់ពាន Ballon d'Or មានរាងកាយស្តង់ដារណាស់។ ក្នុងឆ្នាំ២០១៧ ស្ថិតិល្បឿនដែលគេរត់បានលឿនជាងគេគឺ៣៣,២៥គីឡូម៉ែត្រ ក្នុង១ម៉ោង និងអាចលោតបានកម្ពស់២,៣ម៉ែត្រ៕