បេក្ខភាពប្រជែងពានកីឡាករល្អផ្ដាច់គេលើលោកគ្មាន Neymar ទេ
- 2018-07-25 02:07:57
- ចំនួនមតិ 0 | ចំនួនចែករំលែក 0
បេក្ខភាពប្រជែងពានកីឡាករល្អផ្ដាច់គេលើលោកគ្មាន Neymar ទេ
ចន្លោះមិនឃើញ
បញ្ជីឈ្មោះកីឡាករ១០រូបប្រជែងពានកីឡាករល្អផ្ដាច់គេលើលោកផ្នែកបុរសរបស់ FIFA (FIFA's The Best award) បានប្រកាសហើយកាលពីថ្ងៃម្សិលមិញ។
កីឡាករទាំង១០នាក់នោះមានដូចជា Cristiano Ronaldo, Kevin de Bruyne, Antoine Griezmann, Eden Hazard, Harry Kane, Kylian Mbappe, Lionel Messi, Luka Modric, Mohamed Salah និង Raphael Varane ដែលមកពីក្របខ័ណ្ឌកំពូល៤គឺអង់គ្លេស, អេស្ប៉ាញ, អ៊ីតាលី និងបារាំង។
ចាប់អារម្មណ៍បេក្ខភាពទាំង១០រូបចុងក្រោយលើកនេះគ្មាន Neymar ទេដោយសារកីឡាករសញ្ជាតិប្រេស៊ីលចំណាយពេលភាគច្រើនសម្រាកព្យាបាលរបួសកាលពីរដូវកាលមុន ហើយជាមួយជម្រើសជាតិទៀតសោតក៏ Neymar មិនអាចជួយប្រេស៊ីលឆ្លងផុតវគ្គ៨ក្រុមចុងក្រោយ World Cup ដែរ។
Ronaldo ដែលឈ្នះ FIFA's The Best award ២ដងជាមួយ Real នៅឆ្នាំ២០១៦ និង២០១៧ អាចឈ្នះជាលើកទី៣ក្នុងនាមជាកីឡាករ Juventus ក្រោយលើកពាន Champions League កាលពីរដូវកាលមុន។ Messi ម្ចាស់ស្បែកជើងមាសនៅលីគអេស្ប៉ាញ ក៏មិនអាចមើលរំលងបាន ខណៈ Griezmann ជាជយលាភី World Cup និង Europa League ជាមួយបារាំង និង Atletico ក៏អាចឈ្នះវាដូចគ្នា។
Mbappe, Salah, Kane, Varane និង Hazard មានឈ្មោះក្នុងបញ្ជី១០នាក់លើកចុងក្រោយលើកដំបូងក្នុងអាជីព តែហាក់ចាញ់ប្រៀបកីឡាករមួយចំនួនខាងលើសម្រាប់ការប្រជែងFIFA's The Best award៕