ស្ទឹងត្រែងអើយ! ដល់កម្រិតប្រកាសអាសន្ន ទាំងមនុស្សសត្វកំពុងជម្លៀសយ៉ាងប្រញាប់
- 2018-07-25 10:02:57
- ចំនួនមតិ 0 | ចំនួនចែករំលែក 0
ស្ទឹងត្រែងអើយ! ដល់កម្រិតប្រកាសអាសន្ន ទាំងមនុស្សសត្វកំពុងជម្លៀសយ៉ាងប្រញាប់
ចន្លោះមិនឃើញ
គិតត្រឹមម៉ោង ៤ និង២០នាទីរសៀល ថ្ងៃទី២៥ ខែកក្កដា ឆ្នាំ២០១៨នេះ ទឹកទន្លេសេកុង បន្តហក់ឡើងដល់កម្ពស់ ១១,៥០ ម ដែលជាកម្រិតប្រកាសអាសន្ន។ ក្រុមការងារខេត្ត ដឹកនាំដោយឯកឧត្តម ម៉ុម សារឿន អភិបាលខេត្តស្ទឹងត្រែង កំពុងប្រចាំការនៅមូលដ្ឋានផ្ទាល់ និងកំពុងបន្តជម្លៀសបងប្អូនប្រជាពលរដ្ឋទៅកាន់ទីទួលសុវត្ថិភាព។ នេះបើតាមរដ្ឋបាលខេត្តស្ទឹងត្រែង បានឲ្យដឹងនៅមុនបន្តិច។
ក្រសួងធនធានទឹក និងឧតុនិយម បានឲ្យដឹងថា មកដល់វេលាថ្ងៃត្រង់ ថ្ងៃទី ២៥ ខែកក្កដា ឆ្នាំ ២០១៨នេះ ទឹកជំនន់ដែលហូរធ្លាក់ពីការបាក់ទំនប់ Se-Pian Se Nam Noi ក្នុងខេត្តអាត់តាពើ ប្រទេសឡាវ បានបន្តជន់លិចចូលឃុំមួយចំនួនបន្ថែមទៀត គឺឃុំស្រែសំបូរ ដែលស្ថិតនៅតំបន់ព្រំដែនកម្ពុជា-ឡាវ ក្នុងស្រុកសៀមប៉ាង ខេត្តស្ទឹងត្រែង។ ទឹកជំនន់បានលិចចូលភូមិសរុបចំនួន ១៧ ភូមិ ក្នុងឃុំថ្មកែវ ឃុំសន្តិភាព ឃុំសេកុង និងឃុំស្រែសំបូរ ខណៈទឹកទន្លេសេកុង បានបន្តកើនឡើងដល់កម្ពស់ ១១,៣៨ ម (កម្រិតកម្ពស់ប្រកាសឲ្យប្រុងប្រយ័ត្ន ១១,៥០ម)៕