ស្ពានអាកាសថ្មើរជើងថ្មីមិនមែនមានជណ្ដើរយន្តតែ១ ហើយមានលក្ខណៈពិសេសច្រើនទៀត
- 2018-07-26 02:47:36
- ចំនួនមតិ 0 | ចំនួនចែករំលែក 0
ស្ពានអាកាសថ្មើរជើងថ្មីមិនមែនមានជណ្ដើរយន្តតែ១ ហើយមានលក្ខណៈពិសេសច្រើនទៀត
ចន្លោះមិនឃើញ
តាមប្រភពពីមន្ទីរសាធារណការ និងដឹកជញ្ជូនរាជធានីភ្នំពេញបានឲ្យដឹងថា ស្ពានអាកាសថ្មើរជើងនាងគង្ហីងទើបតែដំឡើងជណ្ដើរយន្តបាន១ ក្នុងចំណោមជណ្ដើរយន្តទាំងអស់៦។ អ្វីដែលពិសេស ហើយអ្នកទាំងអស់គ្នាមិនទាន់បានដឹងនោះ ស្ពានអាកាសថ្មើរជើងស៊េរីទំនើបនេះ នឹងភ្ជាប់ឲ្យបងប្អូនប្រជាពលរដ្ឋឆ្លងទៅមកលើចិញ្ចើមផ្លូវទាំងសងខាងដែលរួមមាន មហាវិថីហ្សាលដឺហ្គោល វិថីឆេកូ វិថីទេពផន។ ក្នុងនោះផ្នែកខាងលិចមហាវិថីព្រះមុនីរេត និងផ្នែកខាងកើតវិថីទេពផន។
បន្ថែមលើពីនេះទៀតស្ពានអាកាសថ្មើរជើងទី២ ក្នុងរាជធានីភ្នំពេញនេះ មានច្រកចេញ Emergency Exit ចំនួន ៦ ដែលមានគម្លាត ២០ ទៅ៣២ម៉ែត្រ ពីច្រកមួយទៅច្រកមួយ។ ករណីជណ្តើរយន្ត Escalator មានគ្រោះអគ្គិភ័យ ឬដាច់ភ្លើង ក៏អាចដើរលើកាំជណ្តើរបានជាធម្មតា។
ស្ពានអាកាសថ្មើរជើងជុំវិញស្តុបរង្វង់មូលនាងគង្ហីង ក្នុងខណ្ឌ៧មករានេះ សាងសង់ជិតរួចរាល់ហើយមកទល់នឹងពេលនេះ។ ជណ្ដើរយន្តសម្រាប់ធ្វើការឡើងចុះស្ពានអាកាសថ្មើរជើងដ៏ទំនើបមួយនេះ ក៏ដំឡើងជិតរួចរាល់ហើយដែរ។ ដូច្នេះមិនយូរប៉ុន្មាន បងប្អូនប្រជាពលរដ្ឋជិតបានឆ្លងកាត់ហើយ។ គម្រោងស្ពានអាកាសថ្មើរជើងថ្មីនេះ ត្រូវបានមន្ទីរសាធារណការសហការជាមួយក្រុមហ៊ុន OCIC ដើម្បីសម្រួលដល់ការធ្វើដំណើរថ្មើរជើងឆ្លងកាត់ស្តុប មិនប៉ះពាល់ចរាចរ និងធានាសុវត្ថិភាពជូនបងប្អូនប្រជាពលរដ្ឋ៕