លោកគ្រូ ធន់ សុភា សរសើរ ធន់ មករា ទោះធ្លាក់ចេញពីខ្សែក្រវាត់

2018-07-27 06:50:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកគ្រូ ធន់ សុភា ពិតជាមានការសោកស្ដាយចំពោះកូនសិស្ស ធន់ មករា ដែលមិនបានជាប់ឡើងទៅជុំបន្ទាប់ខ្សែក្រវាត់ខារ៉ាបាវ ទម្ងន់ ៥៧គីឡូក្រាម នៅសង្វៀនអាស៊ីអាគ្នេយ៍ ប៉ុន្តែគេធ្វើបានល្អហើយ។

កីឡាករ ធន់ មករា

ធន់ សុភា បានឲ្យដឹងថា បើតាមការសង្កេតមើលចំពោះ មករា ៣ប្រកួតកន្លងទៅនៃកម្មវិធីខ្សែក្រវាត់ខាងលើនេះ គឺគេពិតជាធ្វើបានល្អណាស់ តែមិនមានសំណាងអាចឡើងទៅវគ្គផ្ដាច់ ដូច្នេះពិតជាមានសោកស្ដាយណាស់ចំពោះរូបលោកជាគ្រូ។ លោកធ្លាប់សង្ឃឹមលើកូនសិស្សរូបនេះដល់ទៅ ៩០% ថាបានឡើងទៅវគ្គផ្ដាច់ព្រ័ត្រ។

គ្រូប្រដាល់ខាងលើបន្តថា មូលហេតុដែលលោកថា មករា ប្រកួតបានល្អកន្លងទៅនោះ ពោលគ្រប់ទឹកកូនសិស្សរបស់វ៉ៃបានពេញ មានការតស៊ូក្នុងការប្រកួត វ៉ៃដោយបច្ចេកទេស មានតិចនិក និងការវ៉ៃក៏មានទម្ងន់ទៀតផង។

លោកគ្រូ ធន់ សុភា និង ធន់ មករា

រំលឹកដែរថា លោក ធន់ សុភា ជាគ្រូបង្វឹកនៅសមាគមប្រដាល់ក្រសួងការពារជាតិ និងជាគ្រូផ្ទាល់របស់ ធន់ មករា ផងដែរ។ ដោយឡែកកូនសិស្សរបស់លោកខាងលើនេះ ធ្លាក់ពីកម្មវិធីខ្សែក្រវាត់ខារ៉ាបាវ ទម្ងន់ ៥៧គីឡូក្រាម នៅសង្វៀនអាស៊ីអាគ្នេយ៍ហើយ ទោះមាននៅសល់ ១ប្រកួតក្នុងដៃទៀតក៏ដោយ។ មករា ប្រកួតបាន៣ដង ឈ្នះ២ដង និងចាញ់១ដង មាន៧ពិន្ទុ កំពុងមាន៧ពិន្ទុ៕

អត្ថបទ៖ នួន ស៊ីណា