ចាប់ពូលហើយ E-Sport កម្ពុជាប៉ះជើងខ្លាំងថៃ និង៣ប្រទេសទៀតនៅសិង្ហបុរី
- 2018-07-27 02:11:19
- ចំនួនមតិ 0 | ចំនួនចែករំលែក 0
ចាប់ពូលហើយ E-Sport កម្ពុជាប៉ះជើងខ្លាំងថៃ និង៣ប្រទេសទៀតនៅសិង្ហបុរី
ចន្លោះមិនឃើញ
ការប្រកួតពានរង្វាន់កីឡាអេឡិចត្រូនិក Hyperplay សម្រាប់វិញ្ញាសា League of Legends នៅប្រទេសសិង្ហបុរីត្រូវបានចាប់ឆ្នោត និងចេញកាលវិភាគនៃការប្រកួតហើយដែលនឹងចាប់ផ្តើមប្រកួតនាថ្ងៃអាទិត្យ ទី២៩ ខែកក្កដា ឆ្នាំ២០១៨។
តាមការឲ្យដឹងពីសហព័ន្ធកីឡាអេឡិចត្រូនិកកម្ពុជាថា ក្រុម Revenge Team ដែលតំណាងឲ្យកម្ពុជាស្ថិតនៅក្នុងពូល A ដែលមានក្រុមខ្លាំងថៃ ម្ចាស់ផ្ទះសិង្ហបុរី ហ្វីលីពីន និងប៊្រុយណេ។ ចំណែកពូល B ក៏សុទ្ធតែក្រុមខ្លាំងៗដែរគឺម៉ាឡេស៊ី ឥណ្ឌូណេស៊ី វៀតណាម ឡាវ និងមីយ៉ាន់ម៉ា។
ក្រុមជើងឯកកម្ពុជា Revenge Team បានប្រាប់ថា ក្នុងចំណោមក្រុមទាំងអស់ ពួកគេបារម្ភចំពោះក្រុមរបស់ថៃជាងគេដែលមានសមត្ថភាព និងកម្រិតបច្ចេកទេសខ្ពស់។ ដោយឡែកក្រុមផ្សេងៗទៀត មិនមែនជាកង្វល់ធំសម្រាប់ក្រុមកម្ពុជាឡើយ។
ក្រុមជើងឯកកម្ពុជា Revenge Team ចេញទៅប្រកួតនៅសិង្ហបុរីស្អែក
កម្មវិធីប្រកួតសន្សំពិន្ទុក្នុងពូលជុំទី១ ថ្ងៃទី២៩ កក្កដា ២០១៨
កម្មវិធីប្រកួតសន្សំពិន្ទុក្នុងពូលជុំទី២ ថ្ងៃទី៣០ កក្កដា ២០១៨
ពេលវេលានៃការប្រកួត និងរូបមន្តនៃការស្វែងរកក្រុមឡើងទៅប្រកួតវគ្គបន្ទាប់ទៀត ក្រុមការងារសហព័ន្ធកីឡាអេឡិចត្រូនិកកម្ពុជានឹងផ្សាយជូនបន្តបន្ទាប់ទៀត។
ក្រុម E-Sports កម្ពុជានឹងចេញដំណើរពីប្រទេសកម្ពុជាទៅប្រទេសសិង្ហបុរីវេលាម៉ោង៣រសៀលថ្ងៃសុក្រ ទី២៧ ខែកក្កដា ឆ្នាំ២០១៨។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
