២-៣ថ្ងៃទៀត ទឹកទន្លេមេគង្គនឹងហក់ឡើងគំហុកដល់ខេត្តចំនួន៣ របស់កម្ពុជា
- 2018-07-30 08:52:42
- ចំនួនមតិ 0 | ចំនួនចែករំលែក 0
២-៣ថ្ងៃទៀត ទឹកទន្លេមេគង្គនឹងហក់ឡើងគំហុកដល់ខេត្តចំនួន៣ របស់កម្ពុជា
ចន្លោះមិនឃើញ
ទឹកទន្លេមេគង្គនៅប្រទេសកម្ពុជា បន្តកើនឡើង ក្នុងរយៈពេល ២ -៣ថ្ងៃបន្ថែមទៀត ដោយសារមានភ្លៀងធ្លាក់ជាបន្តបន្ទាប់ នៅក្នុងតំបន់អាងទន្លេមេគង្គក្នុងប្រទេសថៃ និងឡាវ។ យោងតាមការព្យាករនេះ នឹងធ្វើឲ្យទឹកទន្លេកើនឡើងខ្ពស់ដល់កម្រិតប្រកាសឲ្យប្រុងប្រយ័ត្ន។
ក្នុងនោះការព្យាករចំពោះខេត្តចំនួនបី ដែលនៅជាប់នឹងទន្លេមេគង្គ ដូចជា៖
នៅថ្ងៃទី ០៣ ខែសីហា ឆ្នាំ២០១៨ ទន្លេមេគង្គខេត្តស្ទឹងត្រែង ទឹកអាចនឹងកើនឡើងដល់កម្ពស់ ១១,៤០ម៉ែត្រ (កម្ពស់ប្រកាសឲ្យប្រុងប្រយ័ត្ន ១០,៧០ម៉ែត្រ)។
នៅថ្ងៃទី ០៤ ខែសីហា ឆ្នាំ២០១៨ ទន្លេមេគង្គខេត្តក្រចេះ ទឹកអាចនឹងកើនឡើងដល់កម្ពស់ ២២,១៥ម៉ែត្រ (កម្ពស់ប្រកាសឲ្យប្រុងប្រយ័ត្ន ២២,០០ម៉ែត្រ)។
នៅថ្ងៃទី ០៥ ខែសីហា ឆ្នាំ២០១៨ ទន្លេមេគង្គខេត្តកំពង់ចាម ទឹកអាចនឹងកើនឡើងដល់កម្ពស់ ១៥,២៥ម៉ែត្រ (កម្ពស់ប្រកាសឲ្យប្រុងប្រយ័ត្ន ១៥,២០ម៉ែត្រ)។
ហេតុដូច្នេះ សូមប្រជាពលរដ្ឋនៅតំបន់ជាប់ទន្លេខាងលើ ត្រូវប្រុងប្រយ័ត្នឲ្យបានខ្ពស់ ជៀសវាងគ្រោះថ្នាក់កើតឡើងជាយថាហេតុ៕