Ronaldo បានជួបមុខ Higuain និង Dybala លើកដំបូងនៅ Juventus
- 2018-07-31 02:18:18
- ចំនួនមតិ 0 | ចំនួនចែករំលែក 0
Ronaldo បានជួបមុខ Higuain និង Dybala លើកដំបូងនៅ Juventus
ចន្លោះមិនឃើញ
Cristiano Ronaldo បានជួបមិត្តរួមក្រុមថ្មីៗមួយចំនួននៅ Juventus ជាលើកដំបូង ដើម្បីត្រៀមខ្លួនប្រកួតក្នុងលីគ Serie A ដែលត្រៀមចាប់ផ្ដើមនៅខែ សីហាខាងមុខ។
កីឡាករតម្លៃខ្លួន១០០លានអឺរ៉ូផ្ទេរពី Real Madrid បានធ្វើដំណើរមកដល់ទីក្រុង Turin ប្រទេសអ៊ីតាលីសាជាថ្មីកាលពីយប់ថ្ងៃអាទិត្យ បន្ទាប់ពីសម្រាកលំហែកាយក្រោយជួយព័រទុយហ្គាល់នៅព្រឹត្តិការណ៍ World Cup។ មានអ្នកគាំទ្ររបស់ Juventus ជាច្រើនអ្នករងចាំ Ronaldo នៅព្រលានយន្តហោះ។
ក្នុងការមកដល់នេះម្ចាស់ពាន Ballon d'Or ៥សម័យបានធ្វើការពិនិត្យសុខភាពម្ដងទៀតនិងជួបមិត្តរួមក្រុមថ្មីៗដូចជា Paulo Dybala, Juan Cuadrado និង Gonzalo Higuain ដែលជាអតីតមិត្តរួមក្រុមនៅអេស្ប៉ាញ។ កាលពិនិត្យសុខភាពផ្លូវការផ្ទេរមកប្រទេសអ៊ីតាលី Ronaldo បានជួប អ្នកចាត់ការលោក Massimiliano Allegri និង Giorgio Chiell ម្ដងរួចហើយ មុនពេលពួកគេទៅលេងត្រៀមរដូវកាលថ្មី៕