Jennie រងការចោទប្រកាន់ថាលេងចរិតដូចព្រះនាងដាក់សមាជិកក្រុម

2018-07-31 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃច័ន្ទ ទី ៣០ ខែកក្កដានេះ កម្រងរូបភាពមួយចំនួនដែលបានបង្ហោះលើបណ្ដាញសង្គម កំពុងទទួលបានការចាប់អារម្មណ៍ខ្លាំង ដោយបង្ហាញពីអត្តចរិតតារាចម្រៀង Jennie ធ្វើចរិតដូចជាព្រះនាងម្ចាស់ដាក់សមាជិកដទៃ។

ដំបូងឡើយ ការចោទប្រកាន់ទាំងនេះបានកើតឡើង ដោយអ្នកមិនពេញចិត្តនាងមួយចំនួនបាននិយាយថានាងជាកូនសំណព្វរបស់ម្ចាស់ផលិតកម្ម YG ហើយនាងតែងតែមានសម្លៀកបំពាក់ស្រស់ស្អាតជាងគេ បើធៀបនឹងសមាជិកដទៃក្នុងក្រុម BLACKPINK។ រហូតមកដល់ពេលនេះ នៅពេលដែលរូបភាព ២សន្លឹករបស់នាងត្រូវបានបែកធ្លាយ ទើបមហាជនមួយចំនួនបានជឿជាក់ថា Jennie ពិតជាទទួលបានការមើលថែជាពិសេសជាងសមាជិកផ្សេងៗពិតមែន។

ទោះជាយ៉ាងណាក៏ដោយ អ្នកគាំទ្ររបស់នាង បានបញ្ចេញប្រតិកម្មតបភ្លាមៗ ទៅកាន់ម្ចាស់គណនីបណ្ដាញសង្គមដែលបានបង្ហោះរូបភាពដែលថាតារាចម្រៀង Jennie ទទួលបានការមើលថែខុសពីសមាជិកដទៃ រួមទាំងថានាងលេងចរិតដូចព្រះនាងនោះ។ ជាមួយគ្នានេះដែរ អ្នកគាំទ្ររបស់នាងរូបនេះ បានប្រមូលរូបភាពដែលបង្ហាញឲ្យឃើញពីទឹកចិត្ត និងចរិតស្លូតបូតពីធម្មជាតិរបស់តារាចម្រៀងស្រីរូបនេះ បង្ហាញទៅកាន់មហាជន ដើម្បីបញ្ឈប់ការយល់ច្រឡំចំពោះរូបនាងទៀត។ អ្នកគាំទ្ររបស់នាង បាននិយាយថា គ្រប់គ្នាយល់ច្រឡំចំពោះ Jennie ដោយសារតែទឹកមុខស្មើរបស់នាង ទើបធ្វើឲ្យគេគិតថា នាងឫក និងឆ្មើងឆ្មៃ៕