ស្រ្តីអង់អាច បំបែកកំណត់ត្រាពិភពលោក ឡើងកំពូលភ្នំ Everest ៩ដង
- 2018-07-31 07:38:51
- ចំនួនមតិ 0 | ចំនួនចែករំលែក 0
ស្រ្តីអង់អាច បំបែកកំណត់ត្រាពិភពលោក ឡើងកំពូលភ្នំ Everest ៩ដង
ចន្លោះមិនឃើញ
ស្ត្រីជនជាតិនេប៉ាល់ មានឈ្មោះថា Lhakpa Sherpa វ័យ៤៤ឆ្នាំ បានបង្ហាញពីភាពអង់អាចក្លាហានរបស់ខ្លួន ដោយឡើងលើកំពូលភ្នំខ្ពស់បំផុតលើពិភពលោក Everest កម្ពស់ ៨ ៨៤៨ម៉ែត្រ រហូតដល់ទៅ ៩ដងឯណោះ។
បច្ចុប្បន្ន អ្នកស្រី Lhakpa កំពុងកាន់កាប់កំណត់ត្រាពិភពលោក «ស្ត្រីឡើងដល់កំពូលភ្នំ Everest ៩ដង» ហើយគ្រោងនឹងឡើងជាលើកទី១០ នៅឆ្នាំក្រោយទៀតផង។
ទោះបីជាយ៉ាងណាក៏ដោយ ក្រៅពីការឡើងភ្នំ អ្នកស្រី Lhakpa ធ្វើការរយៈពេល ៤០ម៉ោងក្នុងមួយសប្តាហ៍ ជាអ្នកលាងចាន និងដឹកសំរាម នៅឯផ្សារទំនើប Whole Foods ស្ថិតក្នុងទីក្រុង West Hartford រដ្ឋ Connecticut សហរដ្ឋអាមេរិក។
ការងារមួយនេះអាចឲ្យអ្នកស្រីរកប្រាក់បាន ១១,៥០ដុល្លារក្នុងមួយម៉ោង ដែលអាចជួយសម្រួលដល់ការចំណាយនានា រួមទាំងកូនស្រី២នាក់ អាយុ ១១ និង ១៦ឆ្នាំផងដែរ។
គួរបញ្ជាក់ឲ្យដឹងថា អ្នកស្រី Lhakpa បានឡើងលើកំពូលភ្នំ Everest បានជោគជ័យដំបូងបង្អស់ នៅអាយុ២៧ឆ្នាំ៕
ចុចអាន៖