ក្រោយឮ PSG ចង់បាន Kante ក្លឹប Chelsea មិនបង្អង់ព្យាយាមចងជើងកីឡាករ
- 2018-07-31 13:08:45
- ចំនួនមតិ 0 | ចំនួនចែករំលែក 0
ក្រោយឮ PSG ចង់បាន Kante ក្លឹប Chelsea មិនបង្អង់ព្យាយាមចងជើងកីឡាករ
ចន្លោះមិនឃើញ
សារព័ត៌មានល្បីឈ្មោះអង់គ្លេសមួយ បានចុះផ្សាយថា Chelsea ហ៊ានដំឡើងប្រាក់ឈ្នួលខ្ពស់ដល់ខ្សែបម្រើការពារ N'Golo Kante ដើម្បីលួងកីឡាករឲ្យបន្តនៅលេងឲ្យក្លឹប។
សារព័ត៌មាន The Times បានឲ្យដឹងថា ក្លឹបតោខៀវគ្រោងចង់បន្តកុងត្រាឲ្យខ្សែបម្រើ Kante រហូតដល់ឆ្នាំ ២០២៣ ហើយដំឡើងប្រាក់នឿយហត់ដល់ទៅ ២៩ ម៉ឺនផោន (ជាង ៣៨ ម៉ឺនដុល្លារសហរដ្ឋអាមេរិក) ក្នុងមួយសប្ដាហ៍។ តួលេខនេះ គឺមួយគុណនឹងពីរទៅនឹងប្រាក់ឈ្នួលរបស់ Kante សព្វថ្ងៃ។
សូមបញ្ជាក់ផងដែរថា Kante បានបង្ហាញទម្រង់យ៉ាងល្អឲ្យ Chelsea។ តាំងពីចូលរួមជាមួយក្លឹប កាលពីឆ្នាំ ២០១៦ កីឡាករបានលេងដល់ទៅ ៨៩ ប្រកួត និងស៊ុតចូលបាន ៤ គ្រាប់ ព្រមទាំងរួមចំណែកយ៉ាងសំខាន់ក្នុងការជួយក្លឹបឲ្យឈ្នះ Premier League រដូវកាល ២០១៦/១៧ និង FA Cup ២០១៧/១៨។
ក្នុង World Cup ២០១៨ កីឡាករនៅតែបានបង្ហាញទម្រង់លេងល្អ រហូតបានរួមចំណែកជួយបារាំងឲ្យឈ្នះកម្មវិធីមួយនេះ។
ទម្រង់លេងបែបការពារល្អបែបនេះហើយ ទំនងជាកត្តាមួយដែលនាំឲ្យក្លឹបអឺរ៉ុបមួយចំនួនហាក់មានចំណាប់អារម្មណ៍ខ្លាំងលើកីឡាករ។ កន្លងទៅថ្មីៗនេះ របាយការណ៍ និងពាក្យចចាមអារ៉ាមជាច្រើនបានឲ្យដឹងថា PSG កំពុងចង់បានខ្សែបម្រើ Kante ខ្លាំង៕