គ្រូបង្វឹកក្រុមស្វាយរៀង និយាយអ្វីខ្លះមុនប៉ះក្រសួងការពារជាតិល្ងាចនេះ?
- 2018-08-01 01:59:48
- ចំនួនមតិ 0 | ចំនួនចែករំលែក 0
គ្រូបង្វឹកក្រុមស្វាយរៀង និយាយអ្វីខ្លះមុនប៉ះក្រសួងការពារជាតិល្ងាចនេះ?
ចន្លោះមិនឃើញ
ក្រុមព្រះខ័នរាជស្វាយរៀង នឹងត្រូវលេងទល់ក្រុមក្រសួងការពារជាតិ នៅកីឡដ្ឋានស្ដាតចាស់ វេលាម៉ោង៦:៣០នាទី ក្នុងពានរង្វាន់ Hun Sen Cup វគ្គ៨ក្រុមចុងក្រោយ។
មុនការប្រកួតនេះដែរ លោក Conor Nestor គ្រូបង្វឹកក្រុមព្រះខ័នរាជស្វាយរៀងបានបញ្ជាក់ថាការលេងក្រៅដីនៅស្ដាតចាស់ គឺមានផលវិជ្ជមានសម្រាប់ក្រសួងការពារជាតិ ព្រោះជាផ្ទះរបស់ពួកគេ។ ដូចដែលអ្នករាល់គ្នាបានឃើញស្រាប់ ការពារជាតិលេងបានយ៉ាងល្អនៅស្ដាតចាស់ ពេលប៉ះបឹងកេតកន្លងទៅ។ តែទោះជាយ៉ាងនេះក្ដី ស្វាយរៀងក៏បានត្រៀមខ្លួនជាស្រេចហើយដែរ ក្រុមទាំងមូលនឹងប្រឹងប្រែងធ្វើឱ្យបានល្អ សម្រាប់ជើងទី១នេះ។
ដោយឡែកសម្រាប់របួសរបស់កីឡាករ ជា សំណាង វិញ គ្រូបង្វឹកខាងលើបានបញ្ជាក់ថា៧០%ទៅហើយ ដែលខ្សែបម្រើសំខាន់រូបនេះមិនអាចចូលលេងបានទេ ក្នុងប្រកួតល្ងាចនេះ។ ប្រធានក្រុមម្នាក់នេះ រងរបួសភ្លាត់ឆ្អឹងម្រាមនាងដៃខាងឆ្វេងធ្ងន់ធ្ងរ អំឡុងពេលលេងទល់ក្រុមវិសាខា ក្នុងពានរង្វាន់ Hun Sen Cup កន្លងទៅដែលធ្វើឡើងនៅស្ដាតចាស់ដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
