Bayern អត់លក់ Lewandowski ដាច់ខាតទោះឲ្យថ្លៃ១៥០លានអឺរ៉ូក៏ដោយ
- 2018-08-01 03:22:18
- ចំនួនមតិ 0 | ចំនួនចែករំលែក 0
Bayern អត់លក់ Lewandowski ដាច់ខាតទោះឲ្យថ្លៃ១៥០លានអឺរ៉ូក៏ដោយ
ចន្លោះមិនឃើញ
Bayern Munich គ្មានផែនការលក់តារាជើងស៊ុតរបស់ខ្លួន Robert Lewandowski នោះទេបើទោះជាក្លឹបណាហ៊ានឲ្យថ្លៃរហូតដល់១៥០លានអឺរ៉ូក៏ដោយ។ នេះបើតាមសម្ដីប្រធានក្លឹបលោក Karl-Heinz Rummenigge។
ការលើកឡើងខាងលើកើតមានបន្ទាប់ពីអ្នកចាត់ការ Niko Kovac សារភាពថាខ្សែប្រយុទ្ធឆ្នើមសញ្ជាតិប៉ូឡូញកំពុងពិចារណាចាកចេញពីទឹកដី Allianz Arena ក្រោយចំណាយពេល៤រដូវកាលជាប់គ្នាជាមួយក្លឹបយក្សរបស់អាល្លឺម៉ង់។
Real Madrid គឺជាបេក្ខភាពមួយចង់បានខ្សែប្រយុទ្ធវ័យ២៩ឆ្នាំ ស្របពេល Chelsea ក្រោមការដឹកនាំរបស់លោក Maurizio Sarri ក៏ចង់បានរូបគេដែរមុនពេលទីផ្សារដោះដូរកីឡាករបិទនៅ៩ថ្ងៃទៀតនេះ។
យ៉ាងណា Rummenigge អះអាងថាគ្មានការដេញថ្លៃណាអាចធ្វើឲ្យ Bayern ប្ដូរចិត្តនោះឡើយ ព្រោះកីឡាករសំខាន់របស់លោកសល់កុងត្រារហូត៣ឆ្នាំទៀត។ Lewandowski គឺជា Top Scorer លីគកំពូលអាល្លឺម៉ង់៣ដង នៅ៥រដូវកាលចុងក្រោយ។ រដូវកាលមុនគេបំប៉ោងសំណាញ់ទីបាន២៩គ្រាប់នៅលីគ៕