រាជិនីបូរបាច់ប្រចាំប្រទេសថៃ ទើសគ្រប់រឿង មិនលើកលែងសូម្បីតារាល្បី
- 2018-08-01 23:20:00
- ចំនួនមតិ 0 | ចំនួនចែករំលែក 0
រាជិនីបូរបាច់ប្រចាំប្រទេសថៃ ទើសគ្រប់រឿង មិនលើកលែងសូម្បីតារាល្បី
ចន្លោះមិនឃើញ
បណ្ដាញសង្គមតែងឆ្លុះបញ្ចាំងរឿងរ៉ាវជាច្រើនកើតឡើងមិនថាក្នុង ឬក្រៅប្រទេសឲ្យពិភពលោកបានដឹង។ ត្បិតអាចទទួលព័ត៌មានបានឆាប់រហ័ស និងមានប្រយោជន៍ ប៉ុន្តែវាក៏បង្ករឿងរ៉ាវមិនចេះចប់ចំពោះមនុស្សមួយចំនួនដែរ។
ជាឧទាហរណ៍ស្រាប់ដូចក្នុងប្រទេសថៃ សេដ្ឋិនីម្នាក់ដែលល្បីឈ្មោះដោយសាររឿងអាស្រូវផ្លូវភេទ មានឈ្មោះ Jang Leena តែងមានមុខជារឿយៗលើបណ្ដាញសង្គម ហើយចេញមុខម្ដងៗតែងនាំបញ្ហាមកជាមួយជានិច្ច។ កន្លងមក សេដ្ឋិនីរូបនេះក៏ធ្លាប់មានជម្លោះជាមួយតារាស្រីល្បីឈ្មោះប្រចាំប្រទេសដែរ ដូចជា Aum Patchrapa និង Ploy Cherman ជាដើម។ ការប៉ះទង្គិចពាក្យសម្ដីរវាងលោកស្រី Jang Leena និងតារាទាំងនេះមានរឿងហេតុផ្សេងៗគ្នាដូចខាងក្រោម៖
១. ជម្លោះជាមួយតារាសម្ដែង Ploy Cherman
ដើមហេតុដំបូង គឺទាក់ទងនឹងរឿងរ៉ាវបាត់ក្មេងទាំង ១៣ ក្នុងល្អាងភ្នំថាំហ្លួង ហើយធ្វើឲ្យសេដ្ឋិនីរូបនេះ គ្រោងប្ដឹងគ្រូបង្វឹកក្រុមបាល់ទាត់ជ្រូកព្រៃវ័យ ២៥ឆ្នាំ យោងតាមហេតុផលនាំក្មេងៗទាំង ១២ចូលល្អាង ដោយមិនបានសុំអនុញ្ញាត។ ក្រោយដំណឹងនេះបានផ្សព្វផ្សាយ តារាសម្ដែង Ploy Cherman ក៏បានបញ្ចេញមតិជុំវិញព័ត៌មាននោះថា "ឆ្កួត”។ មិនយូរប៉ុន្មាន សេដ្ឋិនីដដែល បានផ្ទុះកំហឹង ដោយចោទ Ploy ថាមើលងាយខ្លួន ហើយបម្រុងរៀបចំឯកសារប្ដឹងដល់តុលាការទៀត។
២. ជម្លោះជាមួយតារាសម្ដែង Aum Patchrapa
លោកស្រី Jang Leena ក៏បានធ្វើឲ្យបណ្ដាញផ្សព្វផ្សាយក្នុងប្រទេសថៃកក្រើកដែរ នៅពេលចំអកចំៗដាក់តារាសម្ដែងល្បី Aum Patchrapa ម្ដងហើយម្ដងទៀត។ Leena បានទៅដើរនិយាយបែកអូរហូរស្ទឹងថា Aum ជាតារារះចែងចាំងប្រចាំប្រទេសថៃដែរ តែបែរជាគ្មានប្ដី។ ប្រការនេះហើយ ទើបធ្វើឲ្យអ្នកគាំទ្រជាច្រើននាក់មិនពេញចិត្ត ហើយមិនយល់ថាហេតុអ្វីបានជាស្ត្រីម្នាក់នេះលើកយករឿងបែបនេះមកនិយាយ។
ទាក់ទងនឹងរឿងនេះ មិត្តល្អរបស់ Aum ២នាក់គឺ Ning Panita និង Pooklook Fonthip ខឹងសម្បារ ហើយទ្រាំមិនបានក៏ថាឲ្យ Jang លើព័ត៌មានដែលបានបង្ហោះនោះទៀត៕