ឈឺក្បាល Pixel 2 និង Pixel 2 XL ប្រើមានបញ្ហាជាប់ឥតដាច់ អាចដោះស្រាយបាន

2018-08-02 07:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនត្រកូល Pixel របស់ Google ម៉ូដែល Pixel 2 និង Pixel 2 XL បន្តមានការកោតសរសើរច្រើនពីអ្នក Review នានា ទាក់ទងនឹងសមត្ថភាព ជាពិសេសកាមេរ៉ា តាំងពីចេញដំបូង។ យ៉ាងណាមិញ មិនមានអ្វីឥតខ្ចោះនោះឡើយ អ្នកប្រើប្រាស់មួយចំនួននៅតែជួបបញ្ហា តែក៏មានដំណោះស្រាយដែរ។

បញ្ហា៖ កាមេរ៉ាក្រោយអត់ដំណើរការ

ស្មាតហ្វូនកាមេរ៉ាល្អបំផុត មិនបាច់ទៅណានោះទេ Pixel 2 ឬ Pixel 2 XL នេះឯង ខ្លាំងទាំង Hardware និង Software ផលិតបានរូបភាពស្អាតស្ទើរគ្រប់ Setting។

អ្នកប្រើប្រាស់មួយចំនួនតូចធ្លាប់ជួបបញ្ហាកាមេរ៉ាក្រោយគាំង ទាំងលើ Pixel 2 និង Pixel 2 XL ដោយពេលបើកកម្មវិធីកាមេរ៉ា ឃើញសារថា Fatal Error។

ដំណោះស្រាយ៖

Google បានដឹងពីបញ្ហានេះរួចហើយ បើជួបអាចទំនាក់ទំនងទៅកាន់ Pixel Phone Help Center នឹងមានការបង្ហាញវិធីខ្លះៗ។

បញ្ហា៖ Wi-Fi ភ្ជាប់មិនបាន

នេះភាគច្រើនកើតមានពេលភ្ជាប់ Wi-Fi មានអ្នកប្រើច្រើន ឬក្នុងស្មាតហ្វូនបន្សល់បញ្ជីឈ្មោះ Wi-Fi ភ្ជាប់ពីមុនច្រើនពេក។

ដំណោះស្រាយ៖

ប្រាកដថាអាប់ដេតប្រព័ន្ធប្រើជំនាន់ចុងក្រោយ ចូលទៅកាន់ Settings > System > System update។
បិទបើកទាំងទូរសព្ទ និង Router (បើប្រើនៅផ្ទះខ្លួនឯង)។
សាកកំណត់ Static IP Address ទៅកាន់ Pixel 2 អាចបន្តភ្ជាប់បានល្អ។ វិធីអាស្រ័យលើប្រភេទ Router តែនេះនឹងត្រូវការ MAC Address របស់ Pixel 2 ដោយចូលទៅកាន់ Settings > System > About Phone > Status > Wi-Fi MAC Address។

បញ្ហា៖ មិនអាចទទួលសារ

Pixel 2 ឬ Pixel 2 XL មានបញ្ហាមិនអាចផ្ញើរសារ ឬទទួលសារបាន។

ដំណោះស្រាយ៖

ប្រាកដថាបានអាប់ដេតប្រើប្រព័ន្ធចុងក្រោយ ដោយចូលទៅកាន់ Settings > System > System update។
វិធីបណ្ដោះអាសន្ន អាចលុប APN ដែលខុសប្រក្រតី តែបញ្ហាប្រហែលត្រលប់មកវិញពេលបិទបើកទូរសព្ទ។

បញ្ហា៖ ឆាប់អស់ថ្ម

Pixel 2 និង Pixel 2 XL ខ្លះស៊ីថាមពលថ្មខុសប្រក្រតី ដែលប្រហែលមានពាក់ព័ន្ធនឹងកំណែទម្រង់ប្រព័ន្ធពី Google ផ្ទាល់តែម្តង។

ដំណោះស្រាយ៖

សាកចូលប្រើ Device ក្នុងទម្រង់ Safe mode ដោយចុចប៊ូតុង Power ឲ្យជាប់ > ចុចលើជម្រើស Power off ឲ្យជាប់រហូតឃើញ Reboot to safe mode។ ហើយអ្នកនឹងឃើញពាក្យ Safe mode នៅក្រោមផ្នែកខាងឆ្វេង។ សាកល្បងប្រើមួយសន្ទុះ ថាមពលថ្មមានអ្វីខុសប្លែក ឬនៅដដែល។ បញ្ហាខ្លះអាចបណ្តាលមកពីកម្មវិធីបានដំឡើង អាចសាកលុបម្តងមួយៗ ឬ Factory reset តែម្តង។

បញ្ហា៖ Unlock ប្រើមុខងារស្កេនក្រយៅដៃ ចូល Pixel 2 XL យឺត

នេះអាចមានពាក់ព័ន្ធនឹងកំណែទម្រង់ Android 8.1 Oreo ដោយមានការរិះគន់ច្រើនពីអ្នកប្រើប្រាស់ Pixel 2 XL បង្កើនកម្រិតរង់ចាំ ពេលស្កេនម្រាមដៃ Unlock។ តែ Pixel 2 និង Pixel មិនទាន់ជួបបញ្ហានេះទេ។

ដំណោះស្រាយ៖

Google បានដឹង តែមិនទាន់បញ្ជាក់ពីដំណោះស្រាយនៅឡើយទេ ខណៈអ្នកប្រើប្រាស់មួយចំនួនសម្គាល់ឃើញថាការបន្តបើកអេក្រង់ជាមួយជម្រើស Always on display បានដោះស្រាយបញ្ហានេះ។

បញ្ហា៖ Pixel 2 ឬ Pixel 2 XL បិទបើកៗ

Device ទាំង Pixel 2 និង Pixel 2 XL មានបញ្ហាបិទបើកៗខ្លួនឯងខុសប្រក្រតី ខណៈអ្នកប្រើប្រាស់ខ្លះសម្គាល់ពេលភ្ជាប់ប្រើ LTE ហើយខ្លះមានបញ្ហាពេលប្រើ Wi-Fi។

ដំណោះស្រាយ៖

ប្រាកដថាបានអាប់ដេតប្រើប្រព័ន្ធចុងក្រោយ ដោយចូលទៅកាន់ Settings > System > System update។

បញ្ហា៖ អេក្រង់ដំណើរការមិនរលូន

មានការរិះគន់លើ Pixel 2 XL ឃើញមានស្រមោលធាតុមួយចំនួន ដូចជាប៊ូតុងនៅបង្ហាញ ខណៈដែលគួរតែបាត់។

ដំណោះស្រាយ៖

អាប់ដេតប្រើប្រព័ន្ធជំនាន់ចុងក្រោយ។
ពេលឃើញបញ្ហានេះលើអេក្រង់ Pixel 2 XL របស់អ្នក ខណៈនៅមានការធានា គួរយកទៅជួបកន្លែងដែលទិញពិនិត្យមើល។

បញ្ហា៖ អេក្រង់ Pixel 2 XL បង្ហាញពណ៌មិនត្រឹមត្រូវ

ដំណោះស្រាយ៖

កំណែទម្រង់ថ្មី Google បានផ្តល់ជម្រើសពណ៌អេក្រង់បី Boosted, Natural និង Saturated។ បើជួបបញ្ហាជាមួយពណ៌លើអេក្រង់ ប្រហែលត្រូវប្រើជម្រើស Saturated ដោយចូលទៅកាន់ Settings > Display > Advanced អាចផ្លាស់ប្ដូរ Display settings បាន។ បើមិនទាន់ឃើញជម្រើសនេះទេ គួរអាប់ដេតប្រព័ន្ធទូរសព្ទ។

បញ្ហា៖ អេក្រង់ទូរសព្ទចេញពណ៌សមួយផ្លេតៗ ពេល Lock និង Unlock

ដំណោះស្រាយ៖

អាចចូលទៅបិទបើកជម្រើស Ambient Display ដោយបើកកម្មវិធី Settings > Battery > Ambient Display ត្រង់នេះអាចចុចប៊ូតុង Slider បិទបើកបាន។

បញ្ហា៖ Portrait mode មិនដំណើរការពេលថត Selfie

ដំណោះស្រាយ៖

ចូលទៅកាន់ Play Store ចុចលើ Menu icon នៅផ្នែកលើខាងឆ្វេង > ចុចយក My apps & games ហើយអាប់ដេតរាល់កម្មវិធី ជាពិសេសកម្មវិធីកាមេរ៉ា។

បញ្ហា៖ Bluetooth មិនដំណើរការ

Bluetooth មិនដំណើរការលើទូរសព្ទ Pixel មានតាំងពីកំណែទម្រង់ Android 8.0 Oreo ខណៈម្ចាស់ Pixel 2 ខ្លះក៏ជួបបញ្ហានេះដែរ។

ដំណោះស្រាយ៖

បើភ្ជាប់តាម Bluetooth មិនបាន ចូលទៅកាន់ Settings > Connected devices > Bluetooth > ចុចលើ Settings (Gear icon) ក្បែរនឹង Device ដែលមានបញ្ហា រួចចុច Forget > បិទបើក Bluetooth នៃ Device ទាំងពីរ រួចភ្ជាប់ម្តងទៀត។
បើចាក់ចម្រៀងមិនបាន ចូលទៅកាន់ Settings > Connected devices > Bluetooth > ចុចលើ Settings (Gear icon) នៅក្បែរ Device មានបញ្ហានោះ ប្រាកដថាបានចុចយកប្រអប់ក្បែរ Media audio។
បើមានបញ្ហា Calls ចូលទៅកាន់ Settings > Connected devices > Bluetooth > ចុច Settings (Gear icon) ក្បែរនឹង Device មានបញ្ហា ប្រាកដថាបានចុចយកប្រអប់ក្បែរ Phone Audio៕