London Derby៖ Petr Cech ក្លាយជាវីរបុរសបាល់ប៉េជួយ Arsenal ឈ្នះ Chelsea
- 2018-08-02 01:56:24
- ចំនួនមតិ 0 | ចំនួនចែករំលែក 0
London Derby៖ Petr Cech ក្លាយជាវីរបុរសបាល់ប៉េជួយ Arsenal ឈ្នះ Chelsea
ចន្លោះមិនឃើញ
អ្នកចាំទី Petr Cech បានជួយសង្គ្រោះបាល់ប៉េណាល់ទីចុងក្រោយ នាំក្លឹប Arsenal យកឈ្នះលើក្លឹបរួមទីក្រុងឡុងដ៏ Chelsea ក្នុងការប្រកួតពានមិត្តភាព International Champions Cup នាប្រទេសអៀរឡង់។
ការប្រកួតចាប់ផ្ដើមបានទើបតែ៥នាទី Rudiger រកបានមួយគ្រាប់ ធ្វើឲ្យ Chelsea នាំមុខមុន។ នាទីទី១៥ Morata មានឱកាសកាសទាត់ប៉េណាល់ទី១គ្រាប់ តែត្រូវជួយបានពី Petr Cech។ មួយគ្រាប់ខាងលើបានអូសបន្លាយរហូតដល់នាទី៩០បូក ទើប Lacazette របស់ Arsenal តាមស្មើបានវិញ។ ការប្រកួតបញ្ចប់ដោយលទ្ធផល ១-១ ដូច្នេះត្រូវទាត់ប៉េណាល់ទីកាត់សេចក្ដី។
៥គ្រាប់ដំបូងក្រុមទាំងពីរធ្វើបានល្អដូចគ្នា គ្មានក្រុមណាភ្លាត់នោះទេ។ តែនៅគ្រាប់ទី៦ Petr Cech អាចសង្គ្រោះបាល់របស់កីឡាករ Loftus-Cheek របស់ Chelsea បាន ខណៈ Iwobi បានទាត់ចូលគ្រាប់ចុងក្រោយ ជាលទ្ធផល Arsenal ឈ្នះ Chelsea ៦-៥។
នេះជាការប្រកួតទី៣របស់ Arsenal ហើយក្នុងពាន ICC ក្នុងនោះឈ្នះ២ ចាញ់១ ឯ Chelsea ទើបលេងបាន២ប្រកួតឈ្នះ១ ចាញ់១៕