សារ៉េត គ្រីយ៉ា៖ ឈ្នះជើងទី១ ជារឿងល្អ ប៉ុន្តែមិនអាចប្រហែសជើងទី២
- 2018-08-02 03:13:38
- ចំនួនមតិ 0 | ចំនួនចែករំលែក 0
សារ៉េត គ្រីយ៉ា៖ ឈ្នះជើងទី១ ជារឿងល្អ ប៉ុន្តែមិនអាចប្រហែសជើងទី២
ចន្លោះមិនឃើញ
ក្រុមព្រះខ័នរាជស្វាយរៀងបានយកឈ្នះលើក្រុមក្រសួងការពារជាតិ ក្នុងលទ្ធផល ២-១ នៅស្ដាតចាស់យប់មិញនេះ ក្នុងពានរង្វាន់ Hun Sen Cup វគ្ក៨ក្រុមចុងក្រោយ។
ក្រុមការពារតំណែងជើងឯក ពិតជាធ្វើបានល្អនាការប្រកួតយប់មិញ ដោយតែងតែបង្កើតឱកាសជានិច្ច ទៅលើក្រុមម្ចាស់ផ្ទះការពារជាតិ រហូតយកបានជ័យជម្នះជូនអ្នកគាំទ្រក្នុងលទ្ធផល ២-១។ សារ៉េត គ្រីយ៉ា ដែលជាអ្នកតែតគ្រាប់ជ័យជម្នះឱ្យស្វាយរៀង បានបង្ហាញចំណាប់អារម្មណ៍ការប្រកួតយប់មិញនេះ ពិតជាស្វិតស្វាញខ្លាំង។ ការពារជាតិ ជាក្រុមល្អ មានកីឡាករពោរពេញដោយបទពិសោធ ជាពិសេសលេងក្នុងទឹកដីរបស់គេផង ទើបធ្វើឱ្យពួកគេកាន់តែមានកម្លាំងចិត្តថែមទៀត។
ជ័យជម្នះនៅយប់មិញនេះ នឹងធ្វើឱ្យស្វាយរៀងមានប្រៀបនៅជើងទី២ ហើយលេងនៅទឹកដីស្វាយរៀងទៀត។ យ៉ាងណាមិញ ការមានប្រៀបនេះ ក៏មិនទាន់ប្រាកដនៅឡើយទេ ព្រោះនៅសល់៩០នាទីដើម្បីប្រកួតប្រជែងទៀត។ ម្ចាស់អាវលេខ១៣របស់ស្វាយរៀងខាងលើ បញ្ជាក់បន្ថែមទៀតថា សមាជិកក្រុមទាំងមូលនឹងខំប្រឹងប្រែងហ្វឹកហាត់បន្ថែម សម្រាប់ជើងទី២ ដើម្បីបានឡើងវគ្គបន្ដ។
ការប្រកួតជើងទី២នឹងធ្វើឡើងនៅថ្ងៃពុធសប្ដាហ៍ក្រោយ នៅកីឡដ្ឋានខេត្តស្វាយរៀង៕