ដំណឹងតក់ស្លុត សមាជិកក្រុមផលិតរឿង "Still 17” រកឃើញដេកស្លាប់ក្នុងផ្ទះម្សិលមិញ
- 2018-08-02 13:11:45
- ចំនួនមតិ 0 | ចំនួនចែករំលែក 0
ដំណឹងតក់ស្លុត សមាជិកក្រុមផលិតរឿង "Still 17” រកឃើញដេកស្លាប់ក្នុងផ្ទះម្សិលមិញ
ចន្លោះមិនឃើញ
សមាជិកម្នាក់ក្នុងវីដេអូភាគទូរទស្សន៍ "Still 17” ដែលកំពុងចាក់បញ្ចាំង ត្រូវបានគេរកឃើញថាបានស្លាប់កាលពីថ្ងៃទី ០១ ខែសីហា ២០១៨ នៅក្នុងផ្ទះរបស់ខ្លួន។
ចំពោះមូលហេតុនៃការស្លាប់ ត្រូវបានគេសង្ស័យថា កើតឡើងដោយសារការធ្វើការងារលើសម៉ោង ចំពេលដែលរលកកំដៅបាននិងកំពុងឡើងខ្ពស់ខ្លាំងនៅក្នុងប្រទេសកូរ៉េខាងត្បូង។ តាមការសាកសួរមិត្តរួមការងារដទៃទៀតរបស់អ្នកស្លាប់ បានឲ្យដឹងថា មិនមានសកម្មភាពថតភាពយន្តទេនៅថ្ងៃទី ៣១ កក្កដា និងថ្ងៃទី១ សីហា ដែលថ្ងៃអ្នករងគ្រោះត្រូវបានរកឃើញថាស្លាប់នោះ ។ ប៉ុន្តែក្រុមផលិតទាំងអស់ បានតស៊ូថតក្រោមសីតុណ្ហភាពក្ដៅខ្លាំងពីថ្ងៃទី ២៨ ដល់ ៣០ កក្កដា។
របាយការណ៍ផ្សេងទៀត ចុះផ្សាយដោយ allkpopបានរាយការណ៍ថា សមាជិកក្រុមផលិតរូបនោះ ស្លាប់ដោយសារដាច់សរសៃឈាមក្នុងខួរក្បាល ឬក៏ជំងឺផ្សេងទៀតដែលមានពាក់ព័ន្ធនឹងរលកកំដៅ។
មិនមានការបញ្ជាក់ពីអត្តសញ្ញាណពិតប្រាកដនៃអ្នកស្លាប់ឡើយ ប៉ុន្តែរបាយការណ៍បានបញ្ចេញឲ្យដឹងថា អ្នកស្លាប់មានអាយុ៣០ឆ្នាំ ជាសមាជិកក្រុមសម្ដែងនៃវីដេអូភាគទូរទស្សន៍ខាងលើ។ ប៉ូលិសនៅបន្តការសើបអង្កេតលើករណីរបស់តារាសម្ដែងនៅឡើយ។
នៅក្នុងវេលានេះ ប្រទេសកូរ៉េខាងត្បូងបានប្រទះនឹងរលកកំដៅខ្ពស់ខ្លាំងរហូតដល់ ៣៩អង្សារសេ។ អ្នកជំងឺច្រើនជាង ២ម៉ឺននាក់ ត្រូវបានបញ្ជូនទៅមន្ទីរពេទ្យរួចមកហើយ ដោយសារតែឥទ្ធិពលនៃរលកកំដៅដ៏ខ្ពស់នេះ៕