ឡៅ ចិត្រា ប្រាប់ថាចង់បានប្រាក់លាន ព្រោះអីលុយច្រើនដែរ

2018-08-03 02:04:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជម្រើសជាតិគុនខ្មែរ ឡៅ ចិត្រា សង្ឃឹម៧០% ថាអាចឈ្នះកម្មវិធីម៉ារ៉ាតុងស្អែកនេះ ណាមួយក៏ចង់បានប្រាក់លានផងដែរព្រោះអីលុយច្រើន ដូច្នេះនឹងខំប្រឹងប្រែងប្រកួតទោះប៉ះដៃគូល្អយ៉ាងណាក៏ដោយ។

កីឡាករ ឡៅ ចិត្រា

ឡៅ ចិត្រា បានឲ្យដឹងថា សង្ឃឹមដែរថានឹងអាចឈ្នះក្នុងកម្មវិធីម៉ារ៉ាតុងរបស់សង្វៀន CNC ស្អែកនេះ ដោយសារបានដឹងពីសមត្ថភាពកីឡាករកម្ពុជា ចំណែកបរទេសវិញ មិនបានដឹងថាសមត្ថភាពនោះទេ តែយ៉ាងណាឡើងទៅដឹងតែវ៉ៃហើយ។

បើនិយាយពីការហ្វឹកហាត់វិញ ជើងខ្លាំងមកពីខេត្តកំពុងស្ពឺខាងលើប្រាប់ទៀតថា គឺហាត់ដូចសព្វដងអញ្ចឹង គ្រាន់តែបង្កើនការសម្រាកបន្តិចគឺគ្រប់គ្រាន់សម្រាប់ការប្រកួតមួយនេះហើយ។ ប្អូន ឡៅ ចន្រ្ទា រូបនេះក៏លើកឡើងពីសមត្ថភាពសិស្សច្បង សូត្រ ប៊ុនធី ផងដែរថា ជាកីឡាករម្នាក់ដែលល្អ ផ្លែកែងវិញបើត្រូវមួយៗគឺធ្ងន់ហើយ។

ឡៅ ចិត្រា ពេលប៉ះ សូត្រ ប៊ុនធី ពីមុន

បញ្ជាក់ផងដែរថា កីឡាករ ឡៅ ចិត្រា និង សូត្រ ប៊ុនធី នឹងត្រូវចូលរួមប្រកួតកម្មវិធីម៉ារ៉ាតុងដណ្ដើមប្រាក់លាននៅសង្វៀន CNC ថ្ងៃស្អែកនេះចាប់ពីម៉ោង ៦ល្ងាចតទៅ។ ពួកគេនឹងត្រូវប៉ះកីឡាករថៃនៅប្រកួតដំបូង។ ម្ចាស់ជើងឯកប្រាក់លាននឹងទទួលបានថវិកា ៤លានរៀល បូកនិងតម្លៃខ្លួនប្រកួតដំបូង ចំណែកជើងឯករង ថវិកា២លានរៀល និងតម្លៃខ្លួន៕

វីដេអូ៖