ស្ងាត់ៗ Barca កាន់តែខិតជិតទិញបាន Arturo Vidal ពី Bayern Munich
- 2018-08-03 02:32:48
- ចំនួនមតិ 0 | ចំនួនចែករំលែក 0
ស្ងាត់ៗ Barca កាន់តែខិតជិតទិញបាន Arturo Vidal ពី Bayern Munich
ចន្លោះមិនឃើញ
ក្លឹប Barcelona កំពុងតែខិតជិតទិញបាន Arturo Vidal ហើយ បន្ទាប់ពីយល់ព្រមតម្លៃជាមួយក្លឹប Bayern Munich កាលពីពេលថ្មីៗនេះ។
ក្នុងទីផ្សារដោះដូរកីឡាកររដូវក្ដៅនេះ Barca បាននាំចូលសមាជិកថ្មី៣រូបរួចមកហើយ ក្នុងនោះមាន Malcom (ពី Bordeaux តម្លៃ៤១លានអឺរ៉ូ) , Clement Lenglet (ពី Sevilla តម្លៃ៣៥លានអឺរ៉ូ) និង Arthur (ពី Grêmio តម្លៃ៣១លានអឺរ៉ូ)។ ប្រសិនទិញកីឡាករឈីលីខាងលើបានមែន គេនឹងក្លាយជាកីឡាករទី៤ ដែលមកចូលរួមនៅ Camp Nou រដូវកាលថ្មីនេះ។
យោងតាមប្រព័ន្ធផ្សព្វផ្សាយនៅប្រទេសអេស្ប៉ាញបានឲ្យដឹងថា ក្លឹបទាំងពីរ Barca និង Bayern បានយល់ព្រមលើ Vidal ក្នុងតម្លៃខ្លួន៣០លានអឺរ៉ូ។ សម្រាប់សាមីខ្លួនផ្ទាល់ Vidal ក៏បានព្រមព្រៀងកិច្ចសន្យាផ្ទាល់ខ្លួនជាមួយ Barca ដែរ។ តាមគម្រោងកីឡាករវយ៣១ឆ្នាំនឹងធ្វើការពិនិត្យសុខភាពនៅសប្ដាហ៍នេះ។
លោក Ernesto Valverde មិនសប្បាយចិត្តឡើយ ក្រោយ Paulinho ចាកចេញ។ ចាប់ពីពេលនោះមកលោកទាមទារឲ្យនាំយកខ្សែបម្រើមានសមត្ថភាពមួយរូបមកជំនួសកន្លែងនេះ ហើយ Vidal ជាកីឡាករស័ក្ដិសមបំផុត៕