សុទ្ធតែតារាៗលំដាប់កំពូល នឹងបង្ហាញខ្លួនក្នុងរឿង "Men In Black” វគ្គថ្មី
- 2018-08-03 04:25:00
- ចំនួនមតិ 0 | ចំនួនចែករំលែក 0
សុទ្ធតែតារាៗលំដាប់កំពូល នឹងបង្ហាញខ្លួនក្នុងរឿង "Men In Black” វគ្គថ្មី
ចន្លោះមិនឃើញ
ស៊េរីភាពយន្ត "Men In Black” បានបញ្ចេញ៣វគ្គរួចមកហើយ ដែលចូលរួមសម្ដែងពី តារាសម្ដែង Tommy Lee Jones និង Will Smith។ បន្ទាប់ពីប្រកាសថានឹងផលិតភាពយន្តនេះឡើងវិញ ពេលនេះផលិតកម្ម Sony Pictures បានជ្រើសរើសតារាល្បីៗជាច្រើន ដើម្បីមកចូលរួមសម្ដែងរួចទៅហើយ។
តួអង្គ២រូបពីរឿង "Thor: Ragnarok” គឺតារាសម្ដែង Chris Hemsworth និង Tessa Thompson សុទ្ធតែជាតារាសម្ដែងក្នុងរឿងថ្មីនេះ ដែលតួអង្គដែលត្រូវសម្ដែងគឺមិនទាន់ដឹងនៅឡើយ។ លើសពីនេះទៅទៀតលោក Liam Neeson ល្បីឈ្មោះតាមរយៈការសម្ដែងរបស់លោកក្នុងភាពយន្ត "Taken” និងតារាសម្ដែង Rebecca Ferguson ដែលទើបតែបង្ហាញខ្លួនក្នុងរឿង "Mission: Impossible – Fallout” ក៏នឹងមកចូលរួមសម្ដែងផងដែរ។
លោក F. Gary Gary នឹងជាជម្រើសសម្រាប់ដឹកនាំរឿងនេះ ខណៈដែលលោក Matt Holloway និង Art Marcum ជាអ្នកសរសេរសាច់រឿង។ អ្វីដែលពិសេសបំផុតមួយគឺលោក Steven Speilberg ដែលជាផលិតករភាពយន្តល្បីឈ្មោះ ក៏ជាផលិតករសម្រាប់រឿងនេះទៀតផង។
ភាពយន្តនេះ នឹងគ្រោងដាក់បញ្ចាំងនៅថ្ងៃទី ១៤ ខែមិថុនាឆ្នាំ ២០១៩៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
