ទោះបានមកចូលហាត់វិញមែន Neymar អាចអវត្តមានពេលប៉ះ Monaco នៅថ្ងៃស្អែក
- 2018-08-03 14:01:51
- ចំនួនមតិ 0 | ចំនួនចែករំលែក 0
ទោះបានមកចូលហាត់វិញមែន Neymar អាចអវត្តមានពេលប៉ះ Monaco នៅថ្ងៃស្អែក
ចន្លោះមិនឃើញ
អ្នកចាត់ការក្លឹប PSG លោក Thomas Tuchel បាននិយាយថា លោកនឹងមិនដាក់ Neymar និងកីឡាករប្រេស៊ីលពីររូបទៀតចូលលេងក្នុងប្រកួតវគ្គផ្ដាច់ព្រ័ត្រពាន Trophee des Champions ប៉ះជាមួយក្លឹប Monaco។
លោក Tuchel បាននិយាយថា៖ "ខ្ញុំសប្បាយចិត្តណាស់ទៅហើយ ដែលពួកគេ (Neymar, Thiago Silva និង Marquinhos) បានមកហាត់ជាមួយក្រុម។ វាសំខាន់ខ្លាំងណាស់"។
ទោះជាយ៉ាងណា អ្នកចាត់ការបានបន្ត៖ "ខ្ញុំនឹងមិនដាក់ពួកគេចូលលេងក្នុងប្រកួតថ្ងៃស្អែកនោះទេ។ វាគឺជាតួនាទីរបស់ខ្ញុំក្នុងការថែទាំពួកគេ។ ខ្ញុំត្រូវប្រុងប្រយ័ត្នណាស់ជាមួយស្ថានភាពរបស់ពួកគេ"។
លោក Tuchel បានគូសបញ្ជាក់ទៀតថា កីឡាករទាំងបីខាងលើ អាចមានបញ្ហាដោយសារជិះយន្តហោះរយៈពេលយូរ ព្រមទាំងគេងមិនបានគ្រប់គ្រាន់ត្រឹមត្រូវតាមស្តង់ដារ ដែលជាហេតុធ្វើឲ្យលោកចាត់ការសញ្ជាតិអាល្លឺម៉ង់សម្រេចបែបនេះ។
កាលពីម្សិលមិញ Neymar បានត្រលប់មកហាត់ជាមួយក្រុម PSG វិញ នៅប្រទេសចិន បន្ទាប់ពីសម្រាករដូវកាលក្ដៅ ក្រោយព្រឹត្តិការណ៍ World Cup រួច។
កាលពីចុងខែកុម្ភៈ ២០១៨ កីឡាករបានរងរបួសប្រអប់ជើងធ្ងន់ធ្ងររហូតឈានដល់ការវះកាត់ ហើយមិនបានចូលលេងឲ្យក្លឹបរហូតដល់ចប់រដូវកាល ២០១៧/១៨។
គួររម្លឹកឡើងវិញដែរថា កាលពីខែសីហាឆ្នាំមុន Neymar បានមកចូលរួមជាមួយ PSG ពី Barcelona ក្នុងតម្លៃផ្ទេរ ២២២ លានអឺរ៉ូ (ជាង ២៥៦ លានដុល្លារសហរដ្ឋអាមេរិក)។ គិតមកទល់ពេលនេះ កីឡាករប្រេស៊ីលបានលេងសរុប ៣០ ប្រកួត និងស៊ុតចូល ២៨ គ្រាប់ហើយឲ្យក្លឹប៕