ផ្លូវការ៖ Barca ឈានដល់កិច្ចព្រមព្រៀងយក Vidal មក Camp Nou ហើយ
- 2018-08-04 02:27:22
- ចំនួនមតិ 0 | ចំនួនចែករំលែក 0
ផ្លូវការ៖ Barca ឈានដល់កិច្ចព្រមព្រៀងយក Vidal មក Camp Nou ហើយ
ចន្លោះមិនឃើញ
Barcelona បានធ្វើការយល់ព្រមជាមួយ Bayern Munich ហើយ ក្នុងការចុះកុងត្រាយកខ្សែបម្រើ Arturo Vidal ដោយផ្ដល់កិច្ចសន្យារយៈពេល៣ឆ្នាំ តែតម្លៃខ្លួនមិនបានបង្ហាញទេ។
Vidal វ័យ៣១ឆ្នាំនឹងធ្វើការពិនិត្យសុខភាពជាមួយក្លឹបជើងឯកអេស្ប៉ាញនៅប៉ុន្មានថ្ងៃខាងមុខទៀត។ ត្បិតក្លឹបទាំងពីរមិនបញ្ចេញតម្លៃខ្លួន តែតាមប្រភពសារព័ត៌មានផ្សេងៗទម្លាយថាអាច២៥លានអឺរ៉ូ។ កីឡាករឈីលីរូបនេះបានមកដល់ Bayern Munich ក្រោយផ្លាស់ពី Juventus កាលពីឆ្នាំ២០១៥ និងឈ្នះពាន Bundesliga ៣រដូវកាលជាប់គ្នាក្នុងដឹកដីអាល្លឺម៉ង់។
Barca បានចេញសេចក្ដីប្រកាសថា រយៈពេលដ៏ខ្លីខាងមុនពួកគេនឹងបញ្ជាក់គ្រប់គ្នាពីការមកដល់និងពេលវេលាបង្ហាញខ្លួនរបស់កីឡាករជាផ្លូវការ។ ឯ Bayern ក៏ប្រកាសលើបណ្ដាញសង្គមថា Vidal នឹងចាកចេញទៅ Barcelona។
អំឡុងពេលនៅជាមួយ Bayern ក្រៅពីឈ្នះ Bundesliga ខ្សែបម្រើល្អរូបនេះក៏ធ្លាប់ឈ្នះពាន German Cup ២ដង និង German Super Cup ២ដងផងដែរ។ គេក៏ធ្លាប់ជួយ Juventus ឈ្នះពាន Serie A ៤ដង ក្នុងរយៈពេល៤រដូវកាលនៅទីនោះ ក្រោយផ្ទេរពី Bayer Leverkusen នៅឆ្នាំ២០១១៕