តារាម៉ូដែល ខ្មែរបារាំងម្នាក់នេះ កំពុងមានទីផ្សារក្នុងវិស័យសិល្បៈសម្ដែង
- 2018-08-04 03:40:00
- ចំនួនមតិ 0 | ចំនួនចែករំលែក 0
តារាម៉ូដែល ខ្មែរបារាំងម្នាក់នេះ កំពុងមានទីផ្សារក្នុងវិស័យសិល្បៈសម្ដែង
ចន្លោះមិនឃើញ
ក្នុងរយៈពេលដ៏ខ្លីមួយរយៈនេះតារាម៉ូដែល ខ្មែរបារាំង ដ៏ស្រស់ស្អាតម្នាក់ កញ្ញា Malia កំពុងមានប្រជាប្រិយ និងឱកាសបង្ហាញទេពកោសល្យសម្ដែង សម្រស់ពិតពិធម្មជាតិ ដែលធ្វើឱ្យទាំងអ្នកថតរូប ហ្វេសិន និងផលិតករភាពយន្ត ពេញចិត្តចង់បានតារាស្រីវ័យក្មេងរូបនេះមកថតក្នុងការងាររបស់ខ្លួន។
ភាពស្រស់ស្អាតទាំងអស់នេះ ត្រូវបានកញ្ញា Malia និយាយក្នុង IG របស់ខ្លួនថា៖ «ភាពស្រស់ស្អាតអាចកើតឡើងបានដោយសារអ្នកព្រមទទួលស្គាល់អ្វីជាខ្លួនអ្នក»។ ជាមួយនឹងភាពស្វាហាប់នឹងការងារ មានជំនឿចិត្តលើរូបរាងកាយ ចំណេះដឹងផ្ទាល់ខ្លួនរបស់អ្នក ជាអ្វីដែលអ្នកដទៃកោតសរសើរ និងឱ្យតម្លៃ ហើយការងារក៏កើតឡើងតាមភាពវិជ្ជមានទាំងនេះដែរ។
ថ្មីៗ កញ្ញា Malia ក៏ទើបតែបញ្ចប់ការងារថតវីដេអូ បទចម្រៀងឱ្យខាងផលិតកម្ម ហង្សមាស នេះបើតាមការបញ្ជាក់របស់អ្នកក្នុង IG ផ្លូវការរបស់ខ្លួន ហើយជាក់ស្ដែងស្រីស្អាតរូបនេះក៏កំពុងមានផលិតករភាពយន្តមួយចំនួនកំពុងសង្កេត និងទាក់ទងសម្ភាសសម្រាប់ការសម្ដែងភាពយន្តផងដែរ៕